Ümumölkə yerüstü televiziya yayımçıları üçün dövlət rüsumunun məbləği 10 dəfə azaldıldı
Azərbaycanda media üçün dövlət rüsumunun 10 dəfə azaldılmasına dair layihə təsdiqlənib.
1news.az-ın verdiyi xəbərə görə, bununla bağlı Milli Məclisin bu gün keçirilən plenar iclasında “Dövlət rüsumu haqqında” qanunun 22-ci maddəsinə (Lisenziyalaşdırılan sahibkarlıq fəaliyyəti növlərinə lisenziya verilməsinə görə dövlət rüsumunun dərəcələri) dəyişiklik layihəsi parlamentin bu gün keçirilən iclasında müzakirəyə çıxarılıb. Dəyişikliklər bəzi rüsumların məbləğində öz əksini tapıb.
Müvafiq düzəlişləri nəzərə alaraq “ümumrespublika televiziya yayımı”, “ümumölkə yerüstü televiziya yayımçısı” ifadəsi ilə əvəz edilərək dövlət rüsumunun məbləği 10 dəfə azaldılaraq 50 000 manatdan 5 000 manata qədər endirilib. Qanuna dəyişiklik layihəsi səsverməyə çıxarılaraq III oxunuşda qəbul olunub.
