Metroda qatar dayandırıldı, sərnişinlər boşaldıldı

Bakı metrosunda "Həzi Aslanov-İçərişəhər" istiqamətində hərəkət edən qatardan sərnişinər təxliyə edilib.

1news.az xəbər verir ki, bu barədə Trend-ə "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib.

Onun sözlərinə görə, buna səbəb qatarın sonuncu vaqonunda metropolitenə xas qoxunun yaranması olub.

"Qatara baxış keçirilib. Hər hansısa texniki problemin olmadığı müəyyən olunub. Lakin vaqonda qoxu qaldığından, sərnişin natahatlığına səbəb olmamaq üçün qatar boşaldılıb və yola salınıb. Qoxu aradan qalxdıqdan sonra həmin qatar xətdə işini davam etdirəcək", - deyə o bildirib.