Bakıda İqtisadi Əməkdaşlıq Təşkilatının Parlament Assambleyasının iclası keçiriləcək
Mayın 17-18-də Bakıda İqtisadi Əməkdaşlıq Təşkilatının (ECO) Parlament Assambleyasının 3-cü illik iclası keçiriləcək.
1news.az AZƏRTAC-a istinadən xəbər verir ki, “Postpandemiya dövründə əməkdaşlıq əlaqələri: Qarşıda duran çağırışlar və imkanlar” mövzusunda keçiriləcək iclasda təşkilata üzv dövlətlərin parlamentlərinin sədrləri iştirak edəcəklər.
Təşkilata üzv olan dövlətlərin parlament sədrlərinin Bakıda bir sıra ikitərəfli görüşləri də nəzərdə tutulub.
Qeyd edək ki, ECO–nun əsası 1985-ci ildə İran, Türkiyə və Pakistan tərəfindən qoyulub. SSRİ dağıldıqdan sonra Orta Asiya respublikaları ilə yanaşı, Azərbaycan və Əfqanıstan da təşkilata üzv olublar. ECO Parlament Assambleyasının mənzil-qərargahı Pakistanın paytaxtı İslamabadda yerləşir.
