“Avropa şəhərciyi-2022” – dördillik fasilədən sonra yenidən Bakıda | 1news.az | Xəbərlər
Cəmiyyət

“Avropa şəhərciyi-2022” – dördillik fasilədən sonra yenidən Bakıda

Qafar Ağayev15:24 - 14 / 05 / 2022
“Avropa şəhərciyi-2022” – dördillik fasilədən sonra yenidən Bakıda

Avropa İttifaqının (Aİ) Azərbaycandakı Nümayəndəliyi və Aİ-nin Bakıda akkreditə olunmuş üzv dövlətlərinin səfirliklərinin təşkilatçılığı ilə dördillik fasilədən sonra Bakı bulvarında “Avropa şəhərciyi” (EuroVillage 2022) təşkil edilib.

1news.az xəbər verir ki, əvvəl Azərbaycan Respublikasının Dövlət Himni və Avropa İttifaqının Himni səsləndirilib.

Tədbirdə Avropa İttifaqının (Aİ) Azərbaycandakı Nümayəndəliyinin rəhbəri, səfir Peter Mixalko deyib: “Avropa şəhərciyi Avropaya açılan pəncərədir və həm də Avropa İttifaqının təşkil etdiyi zəngin mədəniyyət və müxtəliflikləri görmək, öyrənmək və zövq almaq imkanıdır. Biz bu bayramı azərbaycanlı dostlarımızla bölüşməkdən və onlara Aİ ilə Azərbaycanın birgə qurduqları möhkəm tərəfdaşlıq haqqında məlumat verməkdən məmnunuq”.

Sonra mədəniyyət nazirinin birinci müavini Elnur Əliyev bu layihə barədə öz fikirlərini bölüşərək, eləcə də güclü Azərbaycanın multikulturalizm ənənələrinə də sadiqliyindən danışıb. “Biz öz Dövlət Himnimizin hər bir sözünə sahib çıxa bildik. Qəhrəman övladlar canlarından keçərək bu doğma torpaqları işğaldan şücaətlə azad etdi. Zəngin mədəniyyətimiz bizim ərazi bütövlüyümüzü bərpa etdi. Çünki bizim mədəniyyətimizdə Vətən anlayışı daha geniş şəkildədir və bu hətta digər ölkələrin mədəniyyətləri ilə müqayisədə daha güclü şəkildə özünü ehtiva edir. Azərbaycan mədəniyyətinin səciyyəli cəhətlərindən biri də odur ki, ölkəmiz hər zaman müxtəlif mədəniyyətləri çox isti qarşılayaraq, onlara yaşam yeri vermiş və onları burda birləşdirmişdir. Bu gün Azərbaycanda müxtəlif xalqların nümayəndələri rahat şəkildə yaşaya və öz mədəniyyətlərini sərbəst şəkildə təbliğ edə bilirlər. Azərbaycan hər zaman tolerantlıq və multikulturallizm ənənələrini özündə birləşdirə bilmişdir. Məhz buna görə də bu gün biz bu tədbirdəyik və məhz bu səbəbdən də biz “Avropa şəhərciyi”ni təşkil etmişik", - deyə nazir müavini vurğulayıb.

Sonra isə tədbirdə iştirak edən bir çox xarici dövlətlərin səfirləri təqdim edildikdən sonra bütün sərgi iştirakçıları stendlərə dəvət ediliblər.

“Avropa şəhərciyi” ziyarətçilərə Avropa İttifaqı, onun dəyərləri və fəaliyyəti, Azərbaycanla uzunmüddətli əməkdaşlıq və tərəfdaşlıq barədə daha çox məlumat əldə etmək imkanı verir. Tədbirin zəngin və hərtərəfli proqramı bütün yaş qruplarını əhatə edir. Bu il həm də “Avropa Gənclər günü” kimi qeyd olunduğu üçün bir çox gənc tədbirə könüllü, iştirakçı, layihə əməkdaşı və gənc Avropa səfiri kimi qoşularaq öz töhfələrini veriblər.

Layihənin proqramına əsasən, gənc Avropa səfirlərinin və tədbirin aparıcısı Fuad Axundovun keçirtdiyi viktorinalarda və müsabiqələrdə də iştirak edənlər müxtəlif hədiyyələr qazanıblar.

Ziyarətçilər Aİ-yə üzv dövlətlərin stendlərindən daha çox məlumat əldə edə biliblər. ERASMUS + layihəsi Avropada təhsil yolları barədə gənclərə məlumat və məsləhətlər verib.

Sonra layihələrin stendlərində ziyarətçilər fotosərgilərlə tanış olaraq, misgərlik məmulatlarının hazırlanması, vitraj rəsmlərinin çəkilməsi kimi ustad dərslərinə qatılmaq imkanı əldə ediblər.

Qeyd edək ki, "Avropa şəhərciyi-2022" axşam saatlarına qədər ziyarətçilərə açıq olacaq. Sonda möhtəşəm axşam konserti ilə “Avropa şəhərciyi-2022”nin bağlanış mərasimi keçiriləcək. Konsertdə bir çox tanınmış müğənnilər və DJ-lər çıxış edəcəklər.

Paylaş:
56

Son xəbərlər

Fərid Əhmədov nazir müavini təyin olunub - Prezidentdən SƏRƏNCAM24 / 05 / 2022, 22:26Samir Məmmədov rəqəmsal inkişaf və nəqliyyat nazirinin müavini təyin edilib24 / 05 / 2022, 22:22Cavid Qurbanov ADY sədri vəzifəsindən azad edildi, nazir müavini oldu24 / 05 / 2022, 22:02Qala qoruğunda Beynəlxalq Çay Günü qeyd olunub - FOTO24 / 05 / 2022, 20:19İsveçrə Prezidenti İlham Əliyevi təbrik edib24 / 05 / 2022, 18:00Dolların sabaha olan rəsmi məzənnəsi açıqlanıb24 / 05 / 2022, 17:54Çempionlar Liqasında finalın topu təqdim edilib24 / 05 / 2022, 17:46Paytaxt məktəblərində “Şuşa İli” çərçivəsində tədbirlər davam edir24 / 05 / 2022, 17:39Qvineya-Bisau Prezidenti Azərbaycan dövlət başçısını təbrik edib24 / 05 / 2022, 17:32Nazirlər Kabineti rüsumlarla bağlı dəyişikliklər üzrə uyğunlaşdırmalar aparıb24 / 05 / 2022, 17:30Baş katib: “Heç bir NATO ölkəsi Türkiyə qədər terror hücumlarına məruz qalmayıb”24 / 05 / 2022, 17:28“Toyota Prius” YPX avtomobilinə çırpıldı - VİDEO24 / 05 / 2022, 17:11Mayda qida zəhərlənməsindən 16 nəfər KTM-ə müraciət edib24 / 05 / 2022, 17:05Rəqəmsal İnkişaf və Nəqliyyat Naziri Selçuk Bayraktarla görüşüb - FOTO24 / 05 / 2022, 16:53ABB Şamaxı filialı və “Azəriqaz” şöbəsini də yenilədi24 / 05 / 2022, 16:40AQTA qanunsuz fəaliyyətlərin qarşısını almaq üçün sahibkarları diqqətli olmağa çağırır24 / 05 / 2022, 16:3552 saylı marşrut xəttindən şikayət var – Redaksiyaya məktub24 / 05 / 2022, 16:20Azərbaycanın paytaxtında Bakı Enerji Həftəsi keçiriləcək24 / 05 / 2022, 16:14Fərid Qayıbov UNESCO-da komitə sədri seçildi24 / 05 / 2022, 15:56Həcc ziyarəti ilə bağlı sənədlərin qəbuluna start verilib24 / 05 / 2022, 15:51
Bütün xəbərlər

Next TV