Sərhədçilərə avtomatdan atəş açılıb, 1 nəfər saxlanılıb - FOTO | 1news.az | Xəbərlər
Cəmiyyət

Sərhədçilərə avtomatdan atəş açılıb, 1 nəfər saxlanılıb - FOTO

13:03 - 18 / 05 / 2022
Sərhədçilərə avtomatdan atəş açılıb, 1 nəfər saxlanılıb - FOTO

Dövlət sərhədinin etibarlı mühafizəsinin təmin edilməsi, qaçaqmalçılıq və narkotik vasitələrin qanunsuz dövriy­­­yəsinə qarşı mübarizə tədbirləri çərçivəsində son günlərdə Dövlət Sərhəd Xidmətinin “Horadiz” və “Göytəpə” sərhəd dəstələrinin əməkdaşları tərəfindən ümumi çəkisi 106 kiloqram 495 qram narkotik vasitəyə bənzər maddələrin və 4000 ədəd psixotrop tərkibli həblərin qaçaqmalçılıq yolu ilə İran İslam Respublikasından Azərbaycan Respublikasına keçirilməsinin qarşısı alınıb.

1news.az xəbər verir ki, bu barədə Dövlət Sərhəd Xidmətinin Mətbuat Mərkəzi məlumat yayıb.

Xəbərə görə, may ayının 12-də saat 00:30 radələrində “Horadiz” sərhəd dəstəsinin xidməti ərazisində Füzuli rayonunun Qazaxlar kəndi yaxınlığında yerləşən sərhəd zastavasının sahəsində xidmət aparan sərhəd naryadı tərəfindən dövlət sərhədinin İran İslam Respublikasından Azərbaycan Respublikası istiqamətində pozulmasına dəlalət edən əlamətlər aşkar edilib, sərhəd zastavası dərhal “Silaha” komandası ilə qaldırılıb, ərazi qapadılıb.

Həyata keçirilmiş sərhəd axtarışı və əməliyyat tədbirləri nəticəsində sərhədboyu ərazidə kolluqların arasında gizlədilmiş 1 ədəd qara rəngli bağlamanın içərisində təxmini çəkisi 9 kiloqram 400 qram narkotik vasitə “marixuana”ya bənzər maddələr aşkar olunaraq götürülüb.

May ayının 15-də saat 02:20 radələrində “Göytəpə” sərhəd dəstəsinin xidməti ərazisində Yardımlı rayonunun Abasallı kəndi yaxınlığında yerləşən sərhəd zastavasının sahəsində xidmət aparan sərhəd naryadı 4 nəfər naməlum şəxs tərəfindən İran İslam Respublikasından Azərbaycan Respublikası istiqamətində dövlət sərhədinin pozulmasını müşahidə edib.

Sərhəd zastavası dərhal “Silaha” komandası üzrə qaldırılmış, xidməti ərazi qapa­­­dılmış, sərhəd pozucularının təqibinə başlanılmışdır. Sərhəd naryadı tərəfindən “Dayan” əmri verilərək havaya xəbərdarlıq atəşi açıldıqdan sonra qaçaqmalçılar əllərindəki bağlamaları yerə ataraq relyefin mürəkkəb, ərazinin sıx kolluq olmasından istifadə edərək geriyə İİR istiqamətinə qaçıblar.

Ərazidə aparılmış axtarış tədbirləri nəticəsində 4 ədəd bağlamanın içərisində ümumi çəkisi 79 kiloqram 595 qram narkotik vasitəyə (45 kq 580 qr “heroin”, 27 kq 940 qr “marixuana”, 3 kq 665 qr “metamfetamin”, 2 kq 410 qr “tiryək”) bənzər maddələr vəpsixotrop tərkibli 4000 ədəd “metadon-40” həbləriaşkar olunaraq götürülüb.

May ayının 17-də saat 01:40 radələrində “Göytəpə” sərhəd dəstəsinin xidməti ərazisində Yardımlı rayonunun Alçabulaq kəndi yaxınlığında yerləşən sərhəd zastavasının xidməti sahəsində 2 nəfər naməlum şəxs tərəfindən İran İslam Respublikasından Azərbaycan Respublikası istiqamətində dövlət sərhədini pozması sərhəd naryadı tərəfindən aşkar olunub. Sərhəd zastavası dərhal “Silaha” komandası üzrə qaldırılıb, xidməti ərazi qapadılıb, xidməti itlər cəlb edilməklə sərhəd pozucularının axtarışı həyata keçirilmiş, hadisə yeri və yaxın ərazilər nəzarətə götürülüb.

Sərhəd naryadı tərəfindən “Dayan” əmrinin verilməsinə və havaya xəbərdarlıq atəşi açılmasına baxmayaraq, cinayətkarlar əmrə tabe olmayaraq silahlı müqa­vimət göstərib və avtomat silahdan atəş açaraq sərhədçilərin həyatına qəsdə cəhd ediblər.

Sərhəd pozucularının təqibi zamanı sərhəd naryadı tərəfindən “Azərbaycan Respublikasının dövlət sərhədi haqqında” Azərbaycan Respublikası Qanununun tələblərinə uyğun olaraq silah tətbiq olunub, qaçaqmalçılar əllərindəki bağlamaları yerə ataraq ərazinin sıx meşəlik, dağlıq və hava şəraitinin qaranlıq olmasından istifadə edərək geri İran ərazisinə qaçıblar.

Ərazidə aparılmış axtarış tədbirləri zamanı qaçaqmalçılar tərəfindən atılmış 3 ədəd bağlamanın içərisində ümumi çəkisi 17 kiloqram 500 qram narkotik vasitə “marixuana”yabənzər maddələr, 1 ədəd atışa hazır vəziyyətdə olan AKM-74 markalı silah, 20 ədəd patron, 1 ədəd gecəgörmə cihazı və 40 qutu “KENT” markalı siqaret aşkar olunaraq götürülüb.

Həyata keçirilmiş əməliyyat-qoşun tədbirləri nəticəsində hadisə yerinə yaxın ərazidə 1 nəfər Azərbaycan vətəndaşı şübhəli şəxs qismində saxlanılıb, hazırda şəxsiyyəti müəyyənləşdirilir.

Faktlar üzrə əməliyyаt-istintaq tədbirləri dаvаm еtdirilir.

1news.az

Paylaş:
89

Son xəbərlər

Bakıda Xəzər dənizinin səviyyə tərəddüdləri ilə bağlı beynəlxalq konfrans keçirilirBu gün, 10:37Azərbaycandan Ukraynaya növbəti humanitar yardım göndərilib - FOTOBu gün, 10:34“Son zəng”dən əvvəl yoxa çıxdı, 22 gün sonra meyiti tapıldıBu gün, 10:09Manatın xarici valyutalara qarşı rəsmi məzənnəsiBu gün, 09:53Pensiyaların yardımla birlikdə ödəniləcəyi tarix açıqlandıBu gün, 09:46“Location” gecə klubundakı partlayışla bağlı istintaq başa çatıbBu gün, 09:35Sumqayıtda qadına təpik vuran avtobus sürücüsü işinə qaytarıldı - VİDEOBu gün, 09:28Ağsuda sərxoş şəxs yanğın törədib - FOTOBu gün, 09:25Bakıda bu yollarda sıxlıq var - SİYAHIBu gün, 09:20İran Prezidenti Ceyhun Bayramovu qəbul edibBu gün, 09:17Azərbaycan ÜST-dən meymunçiçəyi test dəstlərini təhvil alıbBu gün, 09:12Dolların sabaha olan rəsmi məzənnəsi açıqlanıb04 / 07 / 2022, 17:56İsveç və Finlandiya ilə imzalanan memorandum Türkiyəyə nə qazandıracaq?04 / 07 / 2022, 17:49Prezident: “Sülh müqaviləsinin hazırlanması prosesinə ABŞ-ın töhfə verə biləcəyi qənaətindəyik”04 / 07 / 2022, 17:43AZAL gələn həftədən Bakı-Daşkənd-Bakı istiqaməti üzrə uçuşların sayını artırır04 / 07 / 2022, 17:42Prokuror Bakıda qətl törətməkdə təqsirləndirilən şəxsə 19 il cəza istədi04 / 07 / 2022, 17:40“Nar” BMT-nin dayanıqlı inkişaf məqsədlərini dəstəkləyən Qlobal Sazişinə qoşuldu04 / 07 / 2022, 17:35Azərbaycanda turizmin VƏZİYYƏTİ - Daha çox hansı ölkələrdən turist gəlir?04 / 07 / 2022, 17:16Türkiyədə torpaq sürüşməsində ölən azərbaycanlı sürücünün nəşi Vətənə yola salınıb04 / 07 / 2022, 16:59Azərbaycan Prezidenti Baydeni Müstəqillik Günü münasibətilə təbrik edib04 / 07 / 2022, 16:52
Bütün xəbərlər

Next TV