Din xadimi işləmək istəyənlərin ali və ya orta dini təhsili olmalıdır - Gündüz İsmayılov

Azərbaycanda İslam dininə aid ibadət yerlərində və ziyarətgahlarda din xadimi kimi fəaliyyət göstərmək üçün ali və ya orta dini ixtisas təhsili olmalıdır.

1news.az-ın Trend-ə istinadla verdiyi xəbərə görə, bunu Dini Qurumlarla İş üzrə Dövlət Komitəsinin sədr müavini Gündüz İsmayılov bu gün keçirilən mətbuat konfransında deyib.

O bildirib ki, din xadimləri təyin etmək üçün müsahibə və attestasiya komissiyaları yaradılıb və din xadimi işləmək üçün tələblər müəyyən edilib.