Türk aviasiya və kosmos sənayesi “Texnofest azərbaycan”-da HÜRKUŞ ilə nəfəsləri kəsəcək | 1news.az | Xəbərlər
Cəmiyyət

Türk aviasiya və kosmos sənayesi “Texnofest azərbaycan”-da HÜRKUŞ ilə nəfəsləri kəsəcək

Qafar Ağayev12:49 - 25 / 05 / 2022
Türk aviasiya və kosmos sənayesi “Texnofest azərbaycan”-da HÜRKUŞ ilə nəfəsləri kəsəcək

Türk Aviasiya və Kosmos Sənayesi 26-29 may 2022-ci il tarixlərində Bakı Kristal Zalında ilk dəfə keçiriləcək TEKNOFEST Aviasiya, Kosmos və Texnologiya Festivalında Milli Döyüş Təyyarəsinin (MMU) virtual reallıq simulyatoru, HÜRKUŞ və GÖKBEY ilə iştirak edəcək. MMU virtual reallıq simulyatorunun ilk dəfə yer alacağı festivalda ziyarətçilər VR texnologiyası ilə MMU ilə virtual olaraq uçmaq imkanı əldə edəcəklər.

1news.az xəbər verir ki, HÜRKUŞ isə uçuş şousu ilə nəfəsləri kəsəcək. Ziyarətçilər Türk Aviasiya və Kosmos Sənayesi stendində karyera imkanları haqqında məlumatlandırılacaqlar.

Ziyarətçilər maketlərin nümayiş olunacağı stenddə sürpriz fəaliyyətlər, təcrübə sahələri və oyunlarla şirkəti yaxından tanımaq imkanı əldə edəcəklər. Gənc ziyarətçilərə Mühəndis İnkişaf Proqramı, təcrübə imkanları və Lift-Up adı altında “Sənaye yönümlü Bakalavr Məzun Layihələri” kimi karyera imkanlarının müzakirə ediləcəyi sahələrdə şirkətin təklif etdiyi imkanlar haqqında məlumat veriləcək.

HÜRKUŞ təlim təyyarəsi uçuş şousu həyata keçirəcəyi Azərbaycana HÜRKUŞ-un eksperimental sınaq pilotları ilə ilk dəfə uçaraq gələcək. Nəfəs kəsən uçuş şoularının reallaşacağı festivalda Türkiyənin ilk və yeganə unikal GÖKBEY T625 helikopteri də statik sahədə nümayiş etdiriləcək. Bir çox ilklərə səhnə olacaq TEXNOFEST-in ən maraqlı hissəsi isə Türk Aviasiya və Kosmos Sənayesi stendində Milli Döyüş Təyyarəsinin VR dəstəkli simulyatoru olacaq. VR texnologiyası sayəsində ziyarətçilər 5-ci nəsil təyyarə ilə uçuşu təcrübədən keçirə biləcəklər.

Azərbaycanda ilk dəfə reallaşacaq TEXNOFEST-də iştirak edəcək Türk Aviasiya və Kosmos Sənayesinin baş direktoru Temel Kotil “Müdafiə, aviasiya və kosmos texnologiyalarında əldə etdiyimiz uğurları dost və qardaş ölkə Azərbaycanla bölüşəcəyimiz TEXNOFEST-də iştirakımıza görə şox sevinirik. “İki dövlət, bir millət” şüarı ilə həyata keçirdiyimiz əməkdaşlığımızın daha da möhkəmlənəcəyi festivalda mühəndislərimizin unikal olaraq hazırladığı HÜRKUŞ təlim təyyarəmiz Azərbaycana uçacaq və uçuş şousu nümayiş etdirərək şanlı dostluğumuzu göylərə yüksəldəcək. Aviasiya tariximizdə yeni bir dönüş nöqtəsi olacaq Milli Döyüş Təyyarəmizin uçuş kabinəsinin də təcrübədən keçirilə biləcəyi festivalın reallaşmasına töhfə verən bütün tərəflərə minnətdarlığımı bildirirəm. Azərbaycanda, öz vətənimizdə öz xalqımızla görüşməyi arzu edirəm”, - deyib.

Türk Aviasiya və Kosmos Sənayesi sabit və fırlanan qanadlı hava platformalarından pilotsuz uçuş aparatlarına və kosmik sistemlərə qədər inteqrasiya olunmuş aerokosmik sənaye sistemlərinin dizaynı, inkişafı, modernləşdirilməsi, istehsalı və inteqrasiyasına dəstək proseslərində 4 milyon kvadratmetr açıq sahədə və 640 min kvadratmetr qapalı sahədə 12000-dən çox işçisi ilə fəaliyyətini davam etdirir. Türkiyənin texnologiya mərkəzi olub, aviasiya, kosmik və müdafiə sənayesində qlobal oyunçular arasında yer alır.

Paylaş:
299

Son xəbərlər

Dolların sabaha olan rəsmi məzənnəsi açıqlanıbBu gün, 18:01Gülərkən, ya da ağlayarkən həyatını itirə bilər – Qəribə xəstəlikBu gün, 18:00Ayağını pəncərədən çıxarıb avtomobil idarə edən şəxs həbs edildi - VİDEOBu gün, 17:57Azərbaycan Ordusunun əsgəri özünü güllələyibBu gün, 17:33Çimərlik işçiləri sambo üzrə çempionu döydülər - VİDEOBu gün, 17:23Prezidentin Ramana sakini ilə maraqlı dialoqu - VİDEOBu gün, 17:05Rusiya ordusunun Ukraynadakı itkiləri açıqlanıbBu gün, 16:48Son sutkada Azərbaycanda 2140 vaksin vurulub - FOTOBu gün, 16:41Azərbaycanda ötən sutkada COVID-19-a yoluxanların sayı açıqlanıbBu gün, 16:39DİM bugünkü imtahanlarda istifadə olunan test tapşırıqlarının düzgün cavablarını təqdim edibBu gün, 16:34Baş Prokurorluqda əməliyyat müşavirəsi keçirilibBu gün, 16:26Balakəndə 19 hektarda yeni meyvə bağları salınıbBu gün, 16:02“Gizirlərin zabit vəzifələrinə hazırlığı kursu”nun ilk buraxılışı olub - VİDEOBu gün, 15:56İnsan Resursları strukturları rəhbərlərinin “Azərxalça” ASC-də strateji sessiyası baş tutduBu gün, 15:27Havanı çirkləndirən restoranlar cərimələnib - ADLARBu gün, 15:25Azərbaycanlı rejissorun “Balıqlara Xütbə” filminin dünya premyerası İsveçrədə olacaqBu gün, 15:22Bakıda “VTB (Azərbaycan) Kuboku” adlı futbol turniri keçirilibBu gün, 15:15İrəvandakı Təpəbaşı məhəlləsindəki soyqırımla bağlı UNESCO-ya müraciət ünvanlanıbBu gün, 15:14Bina evində yaşayanlar üçün VACİB XƏBƏR - VİDEOBu gün, 15:12Putin məhkumları cəbhəyə göndərir: Sağ qayıdana əfv və pul mükafatıBu gün, 15:08
Bütün xəbərlər

Next TV