Zəngilan Beynəlxalq Hava Limanında işlər avqustda tamamlanacaq - FOTO | 1news.az | Xəbərlər
Cəmiyyət

Zəngilan Beynəlxalq Hava Limanında işlər avqustda tamamlanacaq - FOTO

S.Xankişiyeva14:48 - 28 / 05 / 2022
Zəngilan Beynəlxalq Hava Limanında işlər avqustda tamamlanacaq - FOTO

Bu il avqust ayının sonunda Zəngilan Beynəlxalq Hava Limanında tikinti işləri tamamlanacaq.

1news.az-ın Trend-ə istinadla verdiyi xəbərə görə, bu barədə "Azərbaycan Hava Yolları" QSC-nin nümayəndəsi Valeh Əmiraslanov deyib.

O qeyd edib ki, tikinti işlərinə 2021-ci ilin aprelin 26-da başlanılıb, may ayında isə ANAMA tərəfindən ərazinin minalardan və PHS-dan təmizlənməsinə start verilib

"Paralel olaraq təmizlənmiş ərazidə "AzVirt" şirkəti tərəfindən uzunluğu 3 kilometr, 60 metr olan uçuş-enmə zolağının torpaq qatının qazıntısı aparılıb. Sahəsi 60 min kvadrat metr olan və 8 hava gəmisi üçün nəzərdə tutulan perronda uzunluğu 600 metr olan sükan yolunun tikintisinə başlanılıb. Bu müddət ərzində paralel olaraq sahəsi 5 min kv. metr olan terminal binasının dəmir-beton konstruksiyası işləri görülüb. Artıq dəmir-beton konstruksiya işləri tamamlanıb, dam örtüyünün bağlanması üzrə iş gedir. İşin 80 faizi yerinə yetirilib və yaxın günlərdə bu işlər də yekunlaşacaq", - deyə o bildirib.

V.Əmiraslanov əlavə edib ki, hava limanının elektrik enerjisi ilə təmin olunması üçün uzunluğu 10 kilometr olan 35 kVt/saatlıq hava xətti çəkilib, gücü 1000 kVt/saat olan yarımstansiyasının inşası başa çatdırılıb.

“Fasiləsiz elektrik enerjisinin təmin olunması üçün gücü 1000 kVt/saat olan generator alınıb. Bütün avadanlıqlar Türkiyə, Almaniya və İtaliya istehsalıdır. Hazırda terminal binasının daxilində elektrik, mexanik, arakəsmə divarlarının inşası, memarlıq işləri həyata keçirilir. Hava limanının istiliklə təchiz edilməsi üçün qazanxana binası inşa olunub. Dərinliyi 250 metr olan artezian qazılıb. Uçuş-enmə zolağında gecə uçuşlarının təmin edilməsi üçün transformator binalarının tikintisi yerinə yetirilir. Onlar da iyun ayında istismara veriləcək. Uçuş-enmə zolağında 2 kilometr uzunluğunda 45 metr enində iri fraksiyalı asfalt örtüyü tam yerinə yetirilib. İşlər davam etdirilir. Hazırda aeronaviqasiya üçün nəzərdə tutulan qurğular arasında elektrik və rabitə xəttinin çəkilməsi prosesi yerinə yetirilir",- deyə o bildirib.

Onun sözlərinə görə, Zəngilan Beynəlxalq Hava Limanı 2 mərhələdə istismara veriləcək.

"İlk olaraq uçuş-enmə zolağı və hava gəmilərinin idarə edilməsi qülləsi iyulda istismara veriləcək.Hava limanı saatda 200 sərnişinin uçması üçün nəzərdə tutulub. Avqust ayında ikinci mərhələdə isə hava limanında işlər bütövlükdə tamamlanacaq. Burada uçuş kütləsi 400 ton olan sərnişin və yük təyyarələrinin qəbulu mümkündür",- deyə o qeyd edib.

Paylaş:
368

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər