“Böyük Qayıdış” Gənclər Təşkilatı Müstəqillik Günü ilə əlaqədar silsilə tədbirlər həyata keçirib – FOTO | 1news.az | Xəbərlər
Cəmiyyət

“Böyük Qayıdış” Gənclər Təşkilatı Müstəqillik Günü ilə əlaqədar silsilə tədbirlər həyata keçirib – FOTO

S.Xankişiyeva16:15 - 28 / 05 / 2022
“Böyük Qayıdış” Gənclər Təşkilatı Müstəqillik Günü ilə əlaqədar silsilə tədbirlər həyata keçirib – FOTO

“Böyük Qayıdış” Gənclər Təşkilatı 28 May – Müstəqillik Günü münasibəti ilə silsilə tədbirlər keçirilib. Tədbirlər gənclər arasında vətənpərvərlik ruhunun, milli-mənəvi şüurun aşılanması və xalqımızın qəhrəmanlıq tarixi haqqında məlumatlılığın artırılması məqsədilə təşkil olunub.

1news.az-ın verdiyi xəbərə görə, silsilə tədbirlər çərçivəsində “Üzv və könüllü gənclərin iştirakı ilə Azərbaycan İstiqlal Muzeyinə ekskursiya təşkil edilib. Ekskursiya zamanı iştirakçılar ən qədim zamanlardan müasir dövrümüzə qədər Azərbaycan xalqının mədəni-tarixi həyatını əks etdirən müxtəlif eksponatlarla tanış olublar. Gənclər Muzeyin 6 zalda nümayiş olunan Azərbaycanın istiqlaliyyət tarixinin görkəmli şəxsiyyətlərin həyatını əks etdirən foto və sənədlər haqqında ətraflı məlumat alıblar. Əlavə olaraq, iştirakçılar 2022-ci ilin “Şuşa ili” elan edilməsi münasibətilə İstiqlal Muzeyində keçirilən “Şuşa, sən azadsan!” adlı sərgidə iştirak ediblər. Gənclər sərgidə əslən Şuşadan olan yaradıcılığını Qarabağa həsr etmiş sənətkarlara məxsus sənət əsərləri ilə bağlı məlumatları maraqla qarşılayıblar.

Silsilə tədbirlər çərçivəsində gənclər arasında “Poliqon” Strateji İntellekt Oyunu keçirilib. Müraciəti müsbət dəyərləndirilmiş gənclər 10 komanda şəklində oyunda iştirak ediblər. İştirakçılar Azərbaycan Xalq Cümhuriyyəti, Qarabağ, Şuşa İli və Şanlı Zəfər tarixi mövzularında olan sualları cavablayaraq qələbə uğrunda mübarizə aparıblar. Dörd mərhələdən ibarət oyunda strategiyasını ən güclü quran və ən çox suala düzgün cavab verən “Gürzə” komandası qalib elan olunub. “Mübariz” və “Dəmir Yumruq” komandaları müvafiq olaraq 2-ci və 3-cü yerləri tutublar. Qaliblər sertifikat və medallarla təltif olunub, onlara hədiyyələr təqdim edilib.

Azərbaycan gəncləri bu gün xoşbəxtdirlər ki, Ümummilli lider Heydər Əliyevin və Müzəffər Ali Baş Komandan İlham Əliyevin rəhbərliyi illərində regionda və dünyada böyük nüfuz sahibinə çevrilən müstəqil və qalib ölkənin vətəndaşlarıdırlar. Azərbaycan Respublikasının Prezidenti cənab İlham Əliyevin Azərbaycan xalqının qarşısında ən böyük xidmətlərindən biri onun rəhbərliyi ilə Vətən Müharibəsində əldə olunan tarixi Zəfər nəticəsində torpaqlarımızın düşmən işğalından azad edilməsidir. Bu Qələbə müstəqillik tariximizin ən parlaq səhifəsidir.

Müzəffər Ali Baş Komandan İlham Əliyevin indi Azərbaycan xalqının lideri kimi əsas missiyası dövlətin və xalqın gücü ilə düşmənin viran qoyduğu işğaldan azad edilən şəhər və kəndlərimizin yenidən qurulması, öz yurd-yuvalarından didərgin düşən soydaşlarımızın evlərinə qaytarılmasıdır. Azərbaycan gəncləri olaraq müstəqilliyimizin daha güclü və sarsılmaz olması üçün Böyük qayıdış prosesində bütün güc və qüvvəmizi səfərbər edəcəyik!

Paylaş:
400

Son xəbərlər

FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16
Bütün xəbərlər