Peşə təhsili müəssisələrinə qəbul olanların sayı 12 faiz artıb

2021-2022-ci tədris ilində Peşə Təhsili Müəssisələrinə Qəbul üçün ümumilikdə 23 784 müraciət daxil olub. Onlardan 16 590 nəfəri tələbə adını qazanıb.

Təhsil Nazirliyindən 1news.az-a verilən xəbərə görə, peşə təhsili müəssisələrinə qəbul olanların sayı əvvəlki illə müqayisədə 12 faiz artıb. Bildirilib ki, 66 peşə təhsil müəssisəsində 120 ixtisas üzrə tələbə qəbulu aparılıb.