Füzulidə yol qəzası olub, 4 nəfər xəsarət alıb
Füzulidə baş verən qəzada ata və oğul olmaqla 4 nəfər xəsarət alıb.
1news.az-ın APA-ya istinadən verdiyi xəbərə görə, hadisə rayonun Yuxarı Yağlıvənd kəndi ərazisində baş verib.
Hərəkətdə olan “VAZ 2106” markalı avtomobil qarşıdan gələn “LADA 2110” markalı avtomobillə toqquşub. Nəticədə “VAZ 2106” markalı avtomobilin sürücüsü, 1995-ci il təvəllüdlü Əliyev Əlizadə Novruz oğlu və sərnişini, 1983-cü il təvəllüdlü Vəliyeva Zemfira Akif qızı, həmçinin “LADA” markalı avtomobilin sürücüsü, 1985-ci il təvəllüdlü Əhmədov Hüseyn Bahadur oğlu və maşında olan atası, 1956-cı il təvəllüdlü Əhmədov Bahadur İslam oğlu müxtəlif dərəcəli xəsarət alıb.
Yaralılar Füzuli Rayon Mərkəzi Xəstəxanasına çatdırılıb.
Faktla bağlı araşdırma aparılır.
1news.az
