Türkiyədə torpaq sürüşməsi baş verib - Azərbaycanlı sürücü həlak olub - FOTO - VİDEO

Türkiyədə torpaq sürüşməsində həlak olan şəxs azərbaycanlıdır.

1news.az xəbər verir ki, bu barədə Azərbaycan Beynəlxalq Avtomobil Daşıyıcıları Assosiasiyasının şöbə müdiri Ruslan Eldaroğlu feysbukda yazıb.

“Hadisə zamanı bir azərbaycanlı sürücü həlak olub. Uçqun nəticəsində Türkiyə vətəndaşı olan daha iki TIR sürücüsü də xəsarət alıb. Vəfat edən sürücümüzün kimliyini müəyyən etmək istiqamətində ABADA tərəfindən işlərə başlanılıb. Allah rəhmət etsin”, - o bildirib.

Türkiyədə torpaq uçqunu zamanı həlak olan azərbaycanlı 99-HY-188 dövlət nömrə nişanlı yük avtonəqliyyat vasitəsinin sürücüsü Şahlar Kərimovdur.

Qeyd edək ki, hadisə Artvin şəhərinin Hopa-Kemalpaşa yolunda qeydə alınıb.