Prezidentin xüsusi nümayəndəsi: “Gələn ilin sonunda Şuşa ilk sakinlərini qəbul edəcək”
Şuşada artıq 23 binadan ibarət ilk yaşayış kompleksinin inşasına başlanılıb.
1news.az APA-ya istinadən xəbər verir ki, bunu Prezidentin Şuşa şəhəri üzrə xüsusi nümayəndəsi Aydın Kərimov Azərbaycan Respublikası diplomatik nümayəndəliklərinin rəhbərlərinin Şuşada keçirilən müşavirəsində deyib.
Prezidentin xüsusi nümayəndəsi qeyd edib ki, başlıca məqsəd keçmiş məcburi köçkünlərin ən qısa zamanda doğma yurd-yuvalarına qayıtmasıdır.
“Gələn ilin sonunda bizim ilk sakinlərimizi qəbul edəcəyik və onlara evlərinin açarlarını təhvil verəcəyik”, - Prezidentin xüsusi nümayəndəsi vurğulayıb.
649
