“Cəmiyyətin və Medianın İnkişafı” İctimai Birliyi Şuşa ilə bağlı layihəyə start verib

“Cəmiyyətin və Medianın İnkişafı” İctimai Birliyi Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən “Şuşanı tanıyaq, tanıdaq!” layihəsinə start verib.

1news.az xəbər verir ki, əsas məqsədi Şuşanı virtualı məkanda təblig etmək olan layihə çərçivəsində üç - Azərbaycan, rus və ingilis dillərində saytın açılması nəzərdə tutulur. Bundan başqa Şuşanın 270 illiyinə həsr olunan və Şuşanın tarixi, bu günü ilə bağlı məqamları əks etdirən qısametrajlı film çəkilişi planlaşdırılır. Şuşanın tarixini və bu gününü əks etdirən jurnal nəşri də nəzərdə tutulur. Jurnal azərbaycan, ingilis, və rus dillərində buraxılacaq.