Nazirlik: Hərbi qulluqçularımızın mənəvi-psixoloji vəziyyəti yüksək səviyyədədir - FOTO
![Nazirlik: Hərbi qulluqçularımızın mənəvi-psixoloji vəziyyəti yüksək səviyyədədir - FOTO](/images/2022/08/04/20220804102018682/thumb.jpg?2022-08-04+10%3A22%3A44)
Müdafiə nazirinin tapşırığına əsasən yeni tədris dövrünün başlanması ilə əlaqədar olaraq Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsinin zabit və dövlət qulluqçuları tərəfindən qoşunlarda, xüsusilə də işğaldan azad olunmuş ərazilərdə dislokasiya olunan hərbi hissələrdə xidmət edən şəxsi heyətlə görüşlər keçirilib.
Müdafiə Nazirliyinin mətbuat xidmətindən 1news.az-a verilən məlumata görə, görüşlərdə hərbi qulluqçuların xidməti-məişət şəraiti öyrənilib, şəxsi heyəti maraqlandıran suallar cavablandırılıb və onlara hərbi xidmətlə bağlı lazımi tövsiyələr verilib.
Bundan əlavə İdeoloji İş və Mənəvi-Psixoloji Təminat İdarəsinin psixoloqları tərəfindən şəxsi heyətin milli-mənəvi dəyərlərə sadiqlik, dövlətçilik və vətənpərvərlik ruhunda tərbiyəsi istiqamətində maarifləndirici söhbətlər aparılıb.
Hərbi qulluqçular ölkə rəhbərliyinin diqqət və qayğısını daima hiss etdiklərini, bunun nəticəsində mənəvi-psixoloji vəziyyətlərinin yüksək səviyyədə olduğunu ifadə ediblər. Həmçinin yeni tədris dövründə qarşıya qoyulan məqsədlərə nail olacaqlarını əminliklə bildiriblər.
![](/images/2022/08/04/20220804102018682/d_gallery/53f1b0cabcef378437e7339d23f87ff8.jpg)
![](/images/2022/08/04/20220804102018682/d_gallery/b61ecae4d37dd3ee002b11b60ca7ed98.jpg)
![](/images/2022/08/04/20220804102018682/d_gallery/c51c437b7430d823ce9fafb7451c61cc.jpg)