Dövlət Komitəsi: “Laçın şəhərinə qayıdışa hazırlıq başlanacaq” | 1news.az | Xəbərlər
Cəmiyyət

Dövlət Komitəsi: “Laçın şəhərinə qayıdışa hazırlıq başlanacaq”

13:55 - 17 / 08 / 2022
Dövlət Komitəsi: “Laçın şəhərinə qayıdışa hazırlıq başlanacaq”

Laçın şəhərindən otuz il əvvəl məcburi köçkün düşən və respublikanın müxtəlif yerlərində müvəqqəti məskunlaşan həmvətənlərimizin doğma yurda qayıdışa hazırlanması barədə Prezident İlham Əliyevin verdiyi tapşırığın icrasına başlanıb. Bu məqsədlə avqustun 16-da Qaçqınların və Məcburi Köçkünlərin İşləri üzrə Dövlət Komitəsində onların bir qrupu ilə görüş keçirilib.

1news.az "Report"a istinadən xəbər verir ki, bu barədə Dövlət Komitəsindən məlumat verilib.

Torpaqların işğaldan azad edilməsi uğrunda şəhid olanların xatirəsi ehtiramla yad edilib. Müzəffər Ali Baş Komandan, Prezident İlham Əliyevin rəhbərliyi ilə rəşadətli ordumuzun erməni faşizmi üzərində qələbəsi nəticəsində düşmənin bir güllə atmadan tərk etdiyi Laçın şəhərində müvəqqəti yerləşdirilmiş Rusiya sülhməramlılarının, üçtərəfli Bəyanatın şərtlərinə uyğun olaraq, dilokasiyanın dəyişdirilməsi, qanunsuz məskunlaşdırılmış ermənilərin bu ərazidən çıxarılması dövlətimizin gücünün, qüdrətinin növbəti nümayişi kimi dəyərləndirilib. Qanunsuz məskunlaşdıqları yerlərdən çıxarkən ermənilərin evləri və meşə sahələrini yandıraraq, yenidən vandalizm törətməsi qətiyyətlə pislənilib.

Laçınlılar məcburi köçkünlük dövründə onlara hərtərəfli dövlət qayğısı göstərildiyini bildirərək, həm buna görə, həm də ata-baba torpaqlarına qayıtmaq arzularını gerçəkləşdirdiyi üçün Prezident İlham Əliyevə minnətdarlıq bildiriblər. Birinci vitse-prezident Mehriban Əliyevanın köçkünlüklə bağlı problemlərin həlli ilə bağlı gördüyü işlər dərin razılıq hissi ilə qeyd edilib.

Dövlət Komitəsinin Böyük Qayıdışa hazırlıq məqsədilə həyata keçirdiyi tədbirlər barəsində görüş iştirakçılarına ətraflı məlumat verilib. Bir daha diqqətə çatdırılıb ki, məcburi köçkünlüyü başa çatan vətəndaşların könüllü, təhlükəsiz şəraitdə və ləyaqətlə doğma yurda qayıdışını təmin etmək üçün dövlətimizin başçısının tapşırığı ilə bütün lazımi tədbirlər həyata keçirilir.

Görüşdə qayıdışa hazırlıq və köçürülmənin təşkili ilə bağlı açıq və səmimi fikir mübadiləsi aparılıb. Laçınlılar doğma yurda qayıdıb, onun sosial-iqtisadi inkişafına, işğalın fəsadlarının aradan qaldırılmasına töhfə verməyə, dağlar qoynundakı şəhəri dirçəltməyə hazır olduqlarını bildiriblər.
Tədbir iştirakçıları Laçına qayıdış xəbərini sevinclə qarşıladıqlarını və tezliklə qayıdacaqlarına ümidvar olduqlarına bildiriblər.

Paylaş:
70

Son xəbərlər

İndi nə ailə həkimi var, nə də sahə həkimi - VİDEO01 / 10 / 2022, 18:06Bakıda çoxmərtəbəli yaşayış binasında yanğın söndürülüb - YENİLƏNİB01 / 10 / 2022, 17:52Ötən ay yol qəzalarında ölnlərin sayı açıqlandı01 / 10 / 2022, 17:45Serebral iflic olan uşağın sosial ödənişi niyə kəsildi? - VİDEO01 / 10 / 2022, 17:26Son sutkada Azərbaycanda 92 nəfər koronavirusa yoluxub01 / 10 / 2022, 16:38Azərbaycanda peyvənd olunanların sayı açıqlanıb01 / 10 / 2022, 16:35Ombudsman Füzuli və Tərtərdəki mina partlayışları ilə bağlı beynəlxalq ictimaiyyətə müraciət edib01 / 10 / 2022, 16:14Azərbaycan Prezidenti Sofiyada Yunanıstan-Bolqarıstan Qaz İnterkonnektorunun açılış mərasimində iştirak edib - YENİLƏNİB 1 - FOTO01 / 10 / 2022, 16:10Prezident İlham Əliyev Sofiyada dövlət və hökumət başçıları üçün verilən rəsmi lançda iştirak edib01 / 10 / 2022, 15:38Unlu qənnadı məmulatların istehsalı və satışı müəssisəsində nöqsanlar aşkar olunub - FOTO01 / 10 / 2022, 15:12Amerikalı senator Mirzə Ələkbər Sabirin nəticəsinin müraciətini cavablandırıb01 / 10 / 2022, 14:49Tərtərdə minaya düşərək yaralanan şəxslərin son durumu açıqlanıb01 / 10 / 2022, 14:29Dövlət başçısı: “Azərbaycan 2027-ci ilə qədər Avropaya təbii qaz tədarükünü iki dəfə artırmağı planlaşdırır”01 / 10 / 2022, 13:49Azərbaycan Qazaxıstanla rəqəmsal sahədə birgə layihələr həyata keçirəcək01 / 10 / 2022, 13:39Azərbaycan Prezidenti Rumıniyaya rəsmi səfərə dəvət olunub01 / 10 / 2022, 13:35Suraxanıda hərbi sursat aşkar edilib - FOTO01 / 10 / 2022, 13:15Prezident İlham Əliyev Rumıniyanın Baş naziri ilə görüşüb - YENİLƏNİB01 / 10 / 2022, 13:09Tərtərdə iki nəfər minaya düşüb - YENİLƏNİB01 / 10 / 2022, 13:04Qubada narkotik dövriyyəsi ilə bağlı 9 nəfər tutulub01 / 10 / 2022, 12:44Azərbaycan Prezidenti Sofiyada Yunanıstanın Baş naziri ilə görüşüb - FOTO - YENİLƏNİB01 / 10 / 2022, 12:35
Bütün xəbərlər

Next TV