Jurnalist İlham Məmmədzadəyə “Yeni Klinika”da vəzifə verilib
“Yeni klinika” tibb müəssisəsinin İctimaiyyətlə əlaqələr, Marketinq və Beynəlxalq əlaqələr şöbəsinə yeni müdir təyin olunub.
1news.az xəbər verir ki, bu barədə həmin vəzifəyə təyin olunan jurnalist,PR sahəsi üzrə mütəxəssis İlham Məmmədzadə öz “Facebook” hesabında yazıb.
“Bu gündən etibarən müasirliyi və genişliyi ilə Qafqazın ən böyük tibb müəssisəsi olan “Yeni Klinika”da İctimaiyyətlə əlaqələr, Marketinq və Beynəlxalq əlaqələr şöbəsinin müdiri olaraq əmək fəaliyyətimi davam etdirəcəm. Göstərdiyi etimada görə Tibbi Ərazi Bölmələri İdarəetmə Birliyinin (TƏBİB) və "Yeni Klinika” Publik Hüquqi Şəxs rəhbərliyinə öz təşəkkürümü bildirirəm. Bu etimad və güvən üzərimə böyük məsuliyyət qoyur. Dövlətimizə və xalqımıza xeyirli, uğurlu olsun!” - deyə, İ.Məmmədzadə əlavə edib.
