İbrahim Tatlısesin olduğu maşın qayadan yuvarlanıb - FOTO

Türkiyənin dünya şöhrətli müğənnisi İbrahim Tatlıses Muğla şəhərinin Bodrum bölgəsində qəzaya düşüb.

1news.az xəbər verir ki, hadisə nəticəsində İ.Tatlısesin içində olduğu maşın qayadan yuvarlanıb.

İlkin ehtimala görə, hadisəyə səbəb qarşıdan gələn yük maşınının İbrahim Tatlısesin maşına çırpılması olub. Tatlısesi qurtarmaq üçün bölgəyə xeyli sayda xilasetmə qüvvələri göndərilib.

Məlumata görə, İbrahim Tatlısəsin sıxışıb qaldığı yerdən xilas edildiyi, vəziyyətinin yaxşı olduğu bildirilib.

Məşhur sənətçinin huşunun yerində olduğu və yaralı xəstəxanaya aparıldığı bildirilərkən, eyni avtomobildə 1-i qadın olmaqla daha 4 nəfərin olduğu bildirilir.