ABŞ minatəmizləmə əməliyyatlarına 2 milyon dollar ayırıb
"Birləşmiş Ştatlar bölgədə sülhün və əməkdaşlığın inkişafı məqsədilə Cənub Qafqazda 2020-ci ildə Ermənistan və Azərbaycan silahlı qüvvələri arasında intensiv döyüşlər gedən ərazilərin minalardan təmizlənməsi üçün 2 milyon ABŞ dolları məbləğində humanitar yardımın ayrılmasını bəyan etməkdən məmnundur".
1news.az xəbər verir ki, bu barədə ABŞ-ın Azərbaycandakı səfirliyinin açıqlamasında deyilir
“Münaqişə bölgəsində mövcud olan mina və partlamamış sursatlar mülki əhali arasında ölüm və yaralanmaya hallarına səbəb olur, iqtisadi inkişafın qarşısını alır və məcburi köçkünlərin evlərinə təhlükəsiz qayıdışına maneə yaradır.
ABŞ-ın 2021-ci ilin noyabr ayında ayrıdığı 500,000 dollarlıq yardımı ilə başlayan maliyyə dəstəyi minaların zərərsizləşdirilməsi sahəsində çalışan təşkilatlarının texniki bacarıqlarının artırılması və ərazilərin ölümçül mina və partlamamış sursatlardan təmizlənməsinə yönəlib. Sözegedən səylər insanların təhlükəsizliyinin təminatında habelə məcburi köçkünlərin öz evlərinə qayıdaraq həyatlarını yenidən qurmasında mühüm rol oynayır.
Birləşmiş Ştatlar dünyada adi silahların sayının azaldılması üçün ən çox maliyə ayıran dövlətdir. O, 1993-cü ildən bəri 100-ən çox dövlətə 4,7 milyard dollardan artıq yardım ayıraraq mina və partlamamış sursatların yaratdiğı təhlükələri azaltmağa və beləliklə beynəlxalq sülhün və təhlükəsizliyin gücləndirilməsi təmin etməyə yardım edir”, - deyə açıqlamada deyilir.
