Masallıda 69 yaşlı qadının öldürülməsi ilə bağlı məlumatlar təkzib edilib
Bəzi media qurumlarında guya Masallı rayonunun Hacıtəpə kənd sakini 1953-cü il təvəllüdlü Sona Əzizovanın qətlə yetirilməsi ilə bağlı yalan məlumatlar yayılıb.
1news.az xəbər verir ki, Baş Prokurorluğun Mətbuat xidməti məlumatı təkzib edib.
Baş Prokurorluğun Mətbuat xidməti ilə hər hansı dəqiqləşdirmə aparılmadan dərc edilmiş həmin informasiya tərəfimizdən təkzib olunur.
Belə ki, sentyabrın 13-də saat 21 radələrində Masallı rayonunun Ərkivan qəsəbə sakini 1953-cü il təvəllüdlü Sona Əzizova ailə üvləri ilə birlikdə yaşadığı evin həyətində ehtiyatsızlıqdan sürüşüb yıxılması nəticəsində yerdə olan şüşə qırıqlarının bədəninin müxtəlif hissələrinə girməsi nəticəsində xəsarətlər alıb, xəstəxanaya yerləşdirilməsinə baxmayaq orada vəfat edib.
Araşdırma zamanı izahatları alınmış mərhumun ailə üzvləri faktı təsdiq edib.
Faktla bağlı Masallı rayon prokurorluğunda araşdırma davam etdirilir.
