Üçrəngli bayrağa bürünən Bakı - Zəfər və Bayraq Günlərinə hazırlıq necə gedir? - FOTOREPORTAJ
Hər il noyabrın 8-i və 9-u Azərbaycanda ələmətdar gün kimi qeyd olunur.
Belə ki, 2020-ci ildə 44 günlük Vətən müharibəsində Ali Baş Komandan İlham Əliyevin rəhbərliyi ilə müzəffər Azərbaycan Ordusu işğal altında olan torpaqlarımızı azad etdikdən sonra Respublikamızda 8 noyabr Zəfər Günü kimi təntənəli şəkildə qeyd edilir.
Bundan başqa, Azərbaycan Respublikasının Prezidenti İlham Əliyevin 2009-cu il noyabrın 18-də imzaladığı sərəncamla 9 noyabr tarixi Azərbaycanda Dövlət Bayrağı Günü kimi qeyd olunur.
Ölkəmizin bütün yerlərində, xüsusilə paytaxt Bakıda bu iki bayrama hazırlıq işləri başlayıb. Belə ki, artıq eyvanlar, hündürmərtəbəli binaların üzəri, parklar və s. yerləri üçrəngli Azərbaycan bayrağı ilə bəzədilib.
Eyni zamanda paytaxtın bir çox yerlərində Azərbaycan bayrağı ilə yanaşı qardaş ölkə Türkiyənin də bayrağı asılıb.
1news.az-ın əməkdaşı paytaxtın bəzi yerlərdə olub, fotoreportaj hazırlayıb. Sözügedən fotoları sizinlə bölüşürük:
FOTO: Nadir İbrahimli
Aynurə Xudaverdiyeva
