Bakı metrosunun bu stansiyasında işıqlar söndü

Bakı metrosunun "Avtovağzal" stansiyasında işıqlar sönüb.

Bakı Metropoliteninin Mətbuat xidmətindən 1news.az-a verilən məlumata görə, gərginlik düşməsi nəticəsində "Avtovağzal" stansiyasında saat 11:55-də işıqlanma sistemində problem yaranıb: "4 dəqiqədən sonra işıqlanma bərpa olunub. Bənövşəyi xətt üzrə qatarların hərəkətində 4 dəqiqə gecikmə olub. Hazırda tam aradan qaldırılıb. Qatarlar interval üzrə hərəkət edir".

Qeyd edilib ki, hadisənin səbəbləri araşdırılır.