FHN Xətai Rayon İcra Hakimiyyətində müşavirə keçirib | 1news.az | Xəbərlər
Cəmiyyət

FHN Xətai Rayon İcra Hakimiyyətində müşavirə keçirib

15:22 - 26 / 11 / 2022
FHN Xətai Rayon İcra Hakimiyyətində müşavirə keçirib

Fövqəladə Hallar Nazirliyi Bakı Regional Mərkəzinin təşəbbüsü ilə Xətai Rayon İcra Hakimiyyətində “2022-ci ildə mülki müdafiə sahəsində görülmüş işlərin yekunları və 2023-cü ildə qarşıda duran vəzifələr” və “Yanğın təhlükəsizliyinin təmin olunmasında Fövqəladə Hallar Nazirliyi, yerli icra hakimiyyəti və özünüidarəetmə orqanlarının birgə fəaliyyəti” mövzusunda müşavirə keçirilib.

FHN-dən 1news.az-a verilən xəbərə görə, tədbirin keçirilməsində əsas məqsəd payız-qış mövsümü ərəfəsində rayon ərazisində yanğın təhlükəsizliyi istiqamətində profilaktik və digər qabaqlayıcı tədbirlərin görülməsi, müvafiq maarifləndirmə işlərinin təşkili, bu işlərə rayon ictimaiyyətinin səfərbər edilməsi, habelə mülki müdafiə sahəsində mövcud vəziyyət, problemlər və onların həlli yollarının müzakirəsi olub.

Tədbirdə FHN Bakı Regional Mərkəzi, Dövlət Yanğın Nəzarəti və Dövlət Yanğından Mühafizə xidmətlərinin, Xətai Rayon İcra Hakimiyyətinin və yerli özünüidarəetmə orqanlarının nümayəndələri, rayonun təsərrüfat rəhbərləri, o cümlədən aidiyyəti rayon xidmətləri və təhsil müəssisələrinin, mənzil-kommunal təsərrüfatı təşkilatlarının rəhbərləri iştirak ediblər.

Müşavirədə çıxış edən Xətai Rayon İcra Hakimiyyətinin başçısının müavini Etibar Əhmədov tədbirin əhəmiyyətindən bəhs edib, mülki müdafiə və yanğınlarla mübarizə sahəsində birgə fəaliyyətin vacibliyini vurğulayıb.

Sonra Bakı Regional Mərkəzinin rəis müavini Kamil Bağırov çıxış edərək yanğın hadisələrinə qarşı mübarizədə maarifləndirmənin rolundan danışıb, yaşayış massivlərində fərdi avtomobillərin nizamsız parklanmasının, məhəllələrə girişlərin qeyri-qanuni maneələrlə məhdudlaşdırılmasının yanğın-xilasetmə əməliyyatlarına əngəllər törətdiyini, onların səmərəliliyini aşağı saldığını qeyd edərək, yerli icra və özünüidarəetmə orqanlarını belə hallarla qəti mübarizəyə çağırıb. O, həmçinin rayon ərazisində mülki müdafiə sahəsində mövcud vəziyyət və problemlər, onların həlli yolları barədə ətraflı məlumat verib.

Daha sonra çıxış edən natiqlər “Yaşayış massivlərində yanğınların başvermə səbəbləri: potensial təhlükələr və onların aradan qaldırılma yolları”, “Yanğınların söndürülməsi prosesində qarşıya çıxan problemlər və onların həlli yolları”, “Yaşayış binalarında yanğın təhlükəsizliyinin vəziyyəti” və “Yanğın zamanı ilkin tibbi yardım” mövzularında ətraflı məlumat veriblər. Həmçinin, Bakı Regional Mərkəzinin əməkdaşları tərəfindən rayon ərazisində yerləşən mülki müdafiə obyektlərində keçirilmiş monitorinqin nəticələri haqqında müşavirə iştirakçılarına məlumat verilib. Qeyd olunub ki, cari ilin təqviminə uyğun olaraq rayon ərazisində yerləşən idarə və təşkilatlara mülki müdafiə üzrə metodiki yardım göstərilib.

Müşavirənin sonunda yanğın təhlükəsizliyi və dəm qazı ilə bağlı videoçarxlar nümayiş olunub, suallar cavablandırılıb.

1news.az

Paylaş:
258

Son xəbərlər

Mehriban Əliyevanın göstərişi ilə Heydər Əliyev Fondu Türkiyənin zəlzələ bölgəsinə humanitar yardım edir07 / 02 / 2023, 22:49Türkiyədə zəlzələdə ölənlərin sayı 5434-ə çatıb - YENİLƏNİB 307 / 02 / 2023, 22:46AZAL Türkiyədəki zəlzələ ilə əlaqədar biletlərin cəriməsiz qaytarılmasına başlayıb07 / 02 / 2023, 21:30Daha bir marşrut xətti “BakuBus”a verildi07 / 02 / 2023, 17:56Müdafiə nazirinin müavini Türkiyənin Gəncə şəhərindəki Baş konsuluna başsağlığı verib07 / 02 / 2023, 17:46Milli Qəhrəman Mübariz İbrahimovun məzarı ziyarət edilib07 / 02 / 2023, 17:32Türkiyə səfiri Azərbaycana təşəkkür etdi07 / 02 / 2023, 17:24Tütün məmulatlarının və alkoqollu içkilərin idxalı və istehsalına dövlət nəzarəti gücləndiriləcək - SƏRƏNCAM07 / 02 / 2023, 17:22Vardanyan Qarabağdan Moskvaya qaçıb07 / 02 / 2023, 17:10Türkiyəli millət vəkili zəlzələdə həlak olub07 / 02 / 2023, 16:52Zelenski ilə Ərdoğan arasında telefon danışığı olub07 / 02 / 2023, 16:47İran Prezidenti Ərdoğana zəng edib07 / 02 / 2023, 16:47Xarici sularda üzən dənizçilərimiz Türkiyəyə dəstək nümayiş etdiriblər - FOTO07 / 02 / 2023, 16:42Xocalıda yük maşını su kanalına aşıb07 / 02 / 2023, 16:31Azərbaycan səfirliyinin bir qrup əməkdaşı Türkiyədə zəlzələ bölgəsinə ezam olunub07 / 02 / 2023, 16:27Prezident AHİK-in 30 illiyi ilə əlaqədar yığıncaq iştirakçılarına müraciət ünvanlayıb07 / 02 / 2023, 16:25Azərbaycan XİN: İlk mərhələdə Türkiyədə təhsil alan tələbələr və təcili köməyə ehtiyacı olan şəxslər təxliyə ediləcək07 / 02 / 2023, 16:23Türkiyənin zəlzələ bölgəsindəki Azərbaycan vətəndaşları siyahıya alınır07 / 02 / 2023, 16:22Azərbaycan Həmkarlar İttifaqları Konfederasiyasının əməkdaşları təltif edilib - SƏRƏNCAM07 / 02 / 2023, 16:20“Hadisə yerində 5000-ə yaxın tibbi personal fəaliyyət göstərir”07 / 02 / 2023, 16:12
Bütün xəbərlər

Next TV