Biləsuvarda təbii qazın verilişi dayandırılacaq

Biləsuvar rayonunda 3 gün təbii qazın verilişi müvəqqəti dayandırılacaq.

1news.az "Report"a istinadən xəbər verir ki, bu barədə rayon icra hakimiyyətindən məlumat verilib.

Bildirilir ki, dövlət proqramı çərçivəsində təbii qazın həcminin qəbul edilməsini, əhaliyə fasiləsiz və təhlükəsiz çatdırılmasını təmin etmək üçün "Astara-Qazməmməd" magistral qaz kəmərində aparılan təmir və yeni çəkilmiş boru hissəsinin mövcud qaz kəmərinə qoşulması işlərinə görə, 13-15 dekabr tarixlərində qaz təchizatında fasilə yaranacaq.

1news.az