DİN Bakıda manyakla bağlı yayılan görüntüləri araşdırır

Sosial şəbəkələrdə Bakıda manyakın peyda olması ilə bağlı məlumatlar yayılıb.

1news.az xəbər verir ki, məlumatlarda manyakın Nərimanov rayonu ərazisində olduğu qeyd olunur. Məlumata görə, manyak dərsdən evə qayıdan məktəbli qıza yaxınlaşaraq onu naməlum ünvana aparmaq istəyib. Lakin azyaşlı qız onun əlindən qaçaraq, yaxındakı mağazaya daxil olub.

Daxili İşlər Nazirliyinin mətbuat xidmətindən APA-ya bildirilib ki, yayılan görüntülərdən məlumatlıdırlar: “Hazırda həmin görüntülərlə bağlı araşdırma aparılır”.