Dəmir yolu üzrə də gediş haqqı artırılacaq? - ADY-dan açıqlama

Bu gün Tarif Şurasının qərarı ilə avtobus və metroda gediş haqqının artırılmasından sonra sosial şəbəkədə gedən müzakirələrdə “Azərbaycan Dəmir Yolları” QSC tərəfindən də gediş haqqının artırılacağı barədə müzakirələr gedir.

QSC-dən 1news.az-ın sorğusuna cavab olaraq bildiriblər ki, Azərbaycan Respublikası Prezidentinin 2015-ci il 18 sentyabr tarixli Fərmanına əsasən, dəmir yolu daşımalarında tariflər və yığımlar “Azərbaycan Dəmir Yolları” Qapalı Səhmdar Cəmiyyəti tərəfindən müəyyən edilir.

"Hazırda dəmir yolu üzrə gediş haqqının dəyişdirilməsi nəzərdə tutulmayıb", - deyə qeyd edilib.