Ağ ölümə yox deyək! - “Çıxışa doğru”da MÜZAKİRƏ
Narkomaniya - Ağ ölüm! Bu ifadə cəmiyyətimizdə səsləndikcə normal həyat tərzi keçirən hər bir insan üçün nə qədər tükürpədici və son dərəcədə iyrənc, qorxunc səslənir. İstər-istəməz düşünürsən ki, bu xəstəliyə düçar olanları heç kim məcbur etməyib, onlar özləri bilərəkdən bu narkomaniyanın toruna düşüblər və sonda ölüm kabusu sayılan bu cəhənnəm torundan çıxmaq çox çətin olur və əksər hallarda da heç çıxmaq olmur.
Bununla bağlı bütün bəşəriyyət mütəmadi olaraq həyəcan təbili çalmaqdadır. Ümumdünya Səhiyyə Təşkilatı bu bədnam, iyrənc vərdişlərin ölümlə nəticələnməsini, özü də çox hörmətsiz və biyabrçı ölümlə nəticələnməsini hələ də narkamanlara izah etməkdədirlər. Ancaq nə etməli?..
1News-un məlumatına görə AzTV-nin “Çıxışa doğru” verilişində "Ağ ölümə yox deyək!" mövzusunda aparılan müzakirələr zamanı bu barədə ətraflı danışılıb. Verilişin qonaqları Fəzail Sadıqov - Bakı səhər Narkoloji Mərkəzinin həkim psixiatr-narkoloqu, tibb elmləri namizədi, Sevinc Əliyeva - Bakı Dövlət Universitetinin dosenti, Elşad Səfixanov - psixoloq, Yunus Məhərrəmov - keçmiş narkotik aludəçisi və Nurlan Mustafa - keçmiş narkotik aludəçisi, mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
