Kadri Simson: “Avropa İttifaqı ilə Azərbaycan arasında enerji sahəsində əməkdaşlıq gücləndirilir”
“Bizim Azərbaycanla enerji sahəsində əməkdaşlığımız gücləndirilib”.
1news.az xəbər verir ki, bunu Cənub Qaz Dəhlizi Məşvərət Şurasının növbəti nazirlər iclasının yekunlarına dair mətbuat konfransında Avropa Komissiyasının enerji məsələləri üzrə komissarı Kadri Simson deyib.
“Avropa İttifaqını Azərbaycanda həyata keçirilən enerji layihələrinə sərmayə yatırır. Biz istəyirik ki, Azərbaycanla bu sahədə əlaqələrimizi daha da genişləndirək. Əməkdaşlığımız qaz təchizatı ilə yekunlaşmamalır. Növbəti əməkdaşlıqla bağlı müzakirələr aparıldı. Günəş və külək enerjisindən istifadə, atmosferə atılan tullantıların azaldılması istiqamətində də işlər görülür. Avropa İttifaqı Azərbaycanın yaşıl enerji sahəsinin inkişafı üçün sərmayəsini, bu istiqamətdə atılan addımları dəstəkləyir“.
