Ramiz Novruz “Qurd qapısı” qəbiristanlığında dəfn olunacaq - YENİLƏNİB

Xalq artisti Ramiz Novruz "Qurd qapısı" qəbiristanlığında dəfn olunacaq.

Bu barədə 1news.az-a Mədəniyyət Nazirliyindən bildirilib.

Qeyd olunub ki, Xalq artisti Ramiz Novruz bu gün saat 15:00-da "Qurd qapısı" qəbiristanlığında dəfn olunacaq.

***

13:00

Azərbaycanın teatr və kino aktyoru, Xalq artisti, Prezident təqaüdçüsü Ramiz Novruzla vida mərasimi keçirilir.

1news.az "Report"a istinadən xəbər verir ki, Yeni Yasamalda, mərhumun yaşadığı evdə keçirilən vida mərasimində incəsənət xadimləri, mərhumun ailə üzvləri, sənət dostları, yaxınları və sadə insanlar iştirak edirlər.

***

11:31

Xalq artisti Ramiz Novruzla vida mərasimi öz evində olacaq.

1news.az xəbər verir ki, bu barədə Azərbaycan Milli Dram teatrı məlumat yayıb.

Bildirilib ki, mərasimin saatı və sənətkarın dəfn olunacağı yer dəqiqləşdirilir.

Qeyd edək ki, Azərbaycanın xalq artisti Ramiz Novruz ötən gün gecə saatlarında vəfat edib.

Ramiz Novruzov (Ramiz Novruz) 25 may 1955-ci ildə Biləsuvar rayonuunun Səmədabad qəsəbəsində doğulub.

Teatr sənətindəki xidmətlərinə görə Ramiz Novruz 1993-cü ildə Azərbaycan Respublikasının Əməkdar artisti, 1998-ci ildə Azərbaycan Respublikasının Xalq artisti fəxri adlarına layiq görülüb.

Xalq artisti bir neçə dəfə Prezident Mükafatına, 2018-ci ildə Azərbaycan Respublikası Prezidentinin fərdi təqaüdünə layiq görülüb.