“2020-ci ildə qazandığımız qələbə dünya tarixinin ən möhtəşəm zəfərlərindən biridir”
"2020-ci ildə qazandığımız qələbə dünya tarixinin ən möhtəşəm zəfərlərindən biridir".
1news.az xəbər verir ki, bu sözləri AMEA-nın Elmi Şurasının sədri, Azərbaycan tarixçisi, tarix elmləri doktoru, professor Kərim Şükürov Zəngilanın Ağalı kəndində "Novruz mühazirələri" mövzusunda keçirilən tədbir zamanı deyib.
"Dünyadakı bütün dillərdə, həmçinin Azərbaycanda "qələbə" sözündən möhtəşəm söz yoxdur. Dünya tarixində 15.000 müharibə olub. Bizim tariximizdə 70-dən çox müharibə olub. Elə illərimiz olub ki, müharibələr illəri alıb. Düz 4 dəfə ermənilərlə müharibədə olmuşuq. 1905-1906, 1918-1920, 1991-1994, 2020. Hələ ən qədim dönəmlərə getmirəm. Sonuncu zəfərimiz tarixdə misli görülməmiş bir qələbə idi. 44 gün çoxlarına az müddət kimi gələ bilər, bizim üçün 44 günün hər 1 günü 1 əsrə bərabər idi. 2020-ci ildə qazandığımız qələbə dünya tarixinin ən möhtəşəm zəfərlərindən biridir".
