Mahsun Kırmızıgülün konsertində təsirli anlar - Şəhidimizin övladlarına söz verdi - VİDEO

Bakıda konserti baş tutan məşhur türk müğənni Mahsun Kırmızıgül fanatı olan azərbaycanlı şəhid Anar İsrəfilovun videosunu nümayiş etdirib.

1news.az xəbər verir ki, ki, Anar videoda onun “Annem-annem” mahnısını səsləndirib.

Müğənni bildirib ki, şəhidin atası və övladları konsertdədir. Daha sonra isə Mahsun onları səhnəyə dəvət edib. Bu zaman zalda olan hər kəs ayağa qalxıb. Sənətçi səhnədə göz yaşlarına hakim ola bilməyib.

Kırmızıgül deyib ki, şəhidin hər iki övladının təhsil haqlarını özü qarşılayacaq. Müğənni onları İstanbula dəvət edəcəyinə də söz verib.

“Bu konsertə gəlməsəydim, içim rahatlıq tapmazdı”, - deyə, şəhidimizin atası bildirib.