Müasir klinika, mehmanxananın olduğu heyvan sığınacağı - Buradan heyvan sahiblənə bilərsiniz - REPORTAJ - FOTO - VİDEO
Dünyanın bir çox yerlərində olduğu kimi Azərbaycanda da heyvanlar üçün sığınacaqlar yaradılıb.
Sahibli heyvanlara sahibləri tərəfindən diqqət ayrılsa da küçələrdə olan sahibsiz heyvanların səhhətində problem olanda bu böyük problemlərə səbəb ola bilir.
Ancaq bizlər dördayaqlı dostlarımızın problemlərinin həlli ilə bağlı əlimizdən gələni etməliyik. Bakıda da sahibsiz heyvanlara qayğı mərkəzləri var.
1news.az-ın əməkdaşları belə mərkəzlərdən biri olan IDEA Heyvanlara Qayğı Mərkəzində olub.
"İDEA" heyvanlara qayğı mərkəzinin direktor müavini Heyran Hüseynova bildirib ki, mərkəzdə sahibsiz heyvanlara ödənişsiz xidmət göstərilir. Mərkəzin açılma səbəbi heyvanların rifahını daha da yaxşılaşdırmaq, Bakı ərazisində olan it və pişiklərin populyasını nəzərdə saxlamaqdır. Əlacsız vəziyyətdə olan bəzi heyvanları yerləşdirməklə yanaşı, IDEA Heyvanlara Qayğı Mərkəzi sahibsiz heynanlarla bağlı problemin həllində əsas diqqətini sterilizasiya, xəstəliklərin qarşısının alınması, eləcə də himayə, məsuliyyətli heyvan sahibliyi və heyvanlara humanist yanaşmanın təşviqinə yönəldir.
Mərkəzdə müasir avadanlıqla təchiz olunmuş klinika, it və pişiklər üçün sığınacaq blokları, ayrı karantin blokları, himayə bölməsi, heyvan mehmanxanası və salonu, oyun meydançası, yataqxana, konfrans zalı, kafe və dükan mövcuddur”.
Daha ətraf video reportajda
Foto-Video: Nadir İbrahimli
