Korporativ Sosial Məsuliyyət PAŞA Holding-in strategiyasının mərkəzində qalmaqdadır | 1news.az | Xəbərlər
Cəmiyyət

Korporativ Sosial Məsuliyyət PAŞA Holding-in strategiyasının mərkəzində qalmaqdadır

14:44 - 17 / 03 / 2023
Korporativ Sosial Məsuliyyət PAŞA Holding-in strategiyasının mərkəzində qalmaqdadır

2023-cü ildə PAŞA Holding öz cari strateji dövrünün son ilinə daxil olub.

Hazırda şirkətin prioritetlərindən biri 2024-2026-cı illəri əhatə edəcək yeni strategiyanın hazırlanmasıdır. Cari strateji dövrdə olduğu kimi, növbəti dövrdə də İnsan Kapitalının inkişafı, Korporativ Sosial Məsuliyyət (KSM) və İnnovasiyaların PAŞA Holding-in diqqət mərkəzində olması gözlənilir. Hazırda şirkətin KSM strategiyası çoxşaxəlidir, səhiyyə, təhsil, mədəni irs və ətraf mühitin qorunması kimi digər sahələri əhatə edir. Bu sahələrə aid layihələr arasında “Əsl gələcək”, “SabirArt”, “Rəqəmsal dövlət”, “Bağlı Vətən”, “Təmiz sahil”, “Yaşıl dünya”, “Uşaqların Beynəlxalq Müdafiəsi Günü”, “Şəhid ailələrinin uşaqlarına psixoloji yardım”, “Ana-sahibkar”, “Qəhrəman övladlarıyıq”, “Autizmli uşaqlara adaptasiya dəstəyi”, “Əlaçı” və bu kimi onlarla digər layihə mövcuddur.

Bütün dünyanı təşvişə salan “COVID-19” pandemiyası zamanı da PAŞA Holding sosial məsuliyyətini dərk edərək çağırışlara cavab verən ilk şirkətlərdən oldu. Belə ki, “COVID-19” pandemiyasının ən şiddətli dönəmində PAŞA Holding tərəfindən modul tipli xəstəxanaların inşası, xarici ölkələrdən həkimlərin ölkəmizə cəlb olunması, eləcə də koronavirusla mübarizə fonduna dəstəyin göstərilməsi kimi fəaliyyətlər icra edilib. PAŞA Holding eyni zamanda Qarabağda infrastruktur obyektlərinin, eləcə də ekoloji durumun bərpası prosesində də iştirak etməkdədir. Şirkətin dəstəyi ilə hazırda Şuşa, Zəngilan və Ağdamda məscidlərin bərpası və yeni infrastruktur obyektlərinin inşası həyata keçirilir. Eyni zamanda, İkinci Qarabağ Müharibəsi iştirakçılarına, eləcə də qazi və şəhid ailələrinə dəstəyin göstərilməsi şirkətin diqqət mərkəzindədir.

Bununla yanaşı, KSM strategiyası çərçivəsində PAŞA Holding bir neçə il öncə məcburi köçkünlər üçün nəzərdə tutulan “Qobu-2” yaşayış kompleksinin inşasına maliyyə dəstəyi göstərib. Belə ki, “Kristal Abşeron” MTK şirkəti tərəfindən icra olunan bu layihədə PAŞA Holding maliyyə sponsoru kimi çıxış edib və inşa prosesinə nə işçi qüvvəsi, nə də texniki avadanlıq təminatçısı kimi cəlb edilməyib. Buna baxmayaraq, PAŞA Holding müvafiq strukturlardan edilən müraciətləri nəzərə alaraq kompleksdə son günlər müşahidə olunan çətinliklərin həll olunmasına bir daha dəstək göstərməyə hazır olduğunu bildirib.

Qeyd edək ki, PAŞA Holding eyni zamanda çoxsaylı məktəb və baxçaların da tikintisini maliyyələşdirməkdədir. Bundan əlavə, şirkət əlilliyi olan şəxslər üçün nəzərdə tutulmuş yaradıcılıq mərkəzinin inşa edilməsinin maliyyələşdirilməsində də iştirak edib. Holdinq həmçinin, gündəlik əsnada yardım məqsədilə daxil olan fərdi müraciətlər əsasında da yardıma ehtiyacı olan şəxslərə dəstək olmağa davam etməkdədir.

Reklam hüququnda

Paylaş:
632

Son xəbərlər

Fövqəladə Hallar Nazirliyi tərəfindən daha bir qanunsuz tikili sökülübBu gün, 13:59Deputat: “Dünyada pensiya yaşının azaldılması yox, artırılması müzakirə olunur”Bu gün, 13:45Növbəti köç karvanı Füzuliyə çatıb, mənzillərin açarları təqdim edilib - YENİLƏNİB 1Bu gün, 13:41Bu şəxslərin təhsil haqqını dövlət ödəyəcəkBu gün, 13:34“Əlavə kassasiya qaydasında verilən şikayətlər əksər hallarda təmin olunmur” - Vəkillərdən ŞƏRHBu gün, 13:20Deputatdan TƏKLİF: “Təcili tibbi yardım helikopterləri alınsın”Bu gün, 12:54Azərbaycan cəmiyyəti işğalda olan kəndlərin azad ediləcəyinə inanır? - SORĞUBu gün, 12:41Şənbə günü hava necə olacaq?Bu gün, 12:38Ramazan bayramı günlərində Bakı-Qəbələ qatarları hər gün hərəkətdə olacaqBu gün, 12:28Qızıl və gümüşün bahalaşması davam edirBu gün, 12:21İctimai-iaşə obyektlərinin sahiblərinə çağırışBu gün, 12:15“N” hərbi hissəsində komanda-qərargah təlimi keçirilib - FOTOBu gün, 12:14Siyavuş Novruzov: “Bəzi şəxslər Azərbaycanda da terrorun olmasını istəyirdi”Bu gün, 12:02Azərbaycanda ötən gün 50 kiloqramdan artıq narkotik aşkarlanıbBu gün, 11:51FHN: Ötən sutka 39 yanğına çıxış olub, 57 nəfər təxliyə edilibBu gün, 11:39Sahibə Qafarova iclasda erməni həmkarı ilə görüşündən danışdıBu gün, 11:29Azərbaycan Mərkəzi Bankının valyuta məzənnələriBu gün, 11:20Azərbaycanlı şagird Harvard Universitetinə qəbul olubBu gün, 11:18PAŞA Qrup şirkətləri tərəfindən Novruz bayramı ərəfəsində növbəti sosial aksiya keçirilib - FOTOBu gün, 11:09Milli Məclisin iclası başlayıb, 21 məsələ müzakirə olunacaq - SİYAHIBu gün, 11:02
Bütün xəbərlər