Oqtay Əliyevlə vida mərasimi keçirilib - FOTO - YENİLƏNİB
Əməkdar mədəniyyət işçisi Oqtay Əliyev dəfn olunub.
1news.az "Report"a istinadən xəbər verir ki, mərhum "Qurd qapısı" qəbiristanlığında Əməkdar artist Tünzalə Əliyevanın məzarının yaxınlığında torpağa tapşırılıb.
Dəfn mərasimində mərhumun ailə üzvləri, incəsənət xadimləri, sənət dostları, yaxınları iştirak ediblər.
Allah rəhmət eləsin!
***
Saat 13:02
Xəbər verdiyimiz kimi, ötən gün əməkdar mədəniyyət işçisi, rejissor, prodüser Oqtay Əliyev avtomobil qəzasında həlak olub.
1news.az Trend-ə istinadən xəbər verir ki, hazırda mərhumla yaşadığı evdə vida mərasimi keçirilib.
Vida mərasimində Azərbaycan televiziyasının məşhur simaları, mədəniyyət xadimləri iştirak ediblər. Oqtay Əliyev bu gün Bakıdakı Qurd Qapısı qəbiristanlığında dəfn olunacaq.
