Hollivud ulduzu həbsdən azad edilib | 1news.az | Xəbərlər
Mədəniyyət

Hollivud ulduzu həbsdən azad edilib

14:00 - 25 / 03 / 2023
Hollivud ulduzu həbsdən azad edilib

1994-cü il soyqırımı zamanı insanları xilas edən və Hollivudun çəkdiyi "Otel Ruanda" filmi ilə məşhurlaşan, Ruanda hökumətinin tənqidçisi Pol Rusesabagina 900 gündən çox dəmir barmaqlıqlar arxasında qaldıqdan sonra həbsdən azad edilib.

1news.az APA-ya istinadən xəbər verir ki, Rusesabagina martın 24-də gecə həbsdən azad edilib. Ruanda hökuməti onun terrorizm ittihamı ilə 25 illik cəzasını yüngülləşdirdikdən sonra o, həbsdən buraxılıb. Onun həbsi Qərbdə və hüquq qrupları arasında tənqidlərə səbəb olub.

Rusesabagina silahlı üsyançı qrupa dəstək verməkdə günahlandırılaraq həbs edilsə də, o özü və onu dəstəkləyənlər bunun saxta ittiham olduğunu dəfələrlə bəyan ediblər.

Hökumət sözçüsü Yolande Makolo AFP-yə bildirib ki, onun cəzası "prezidentin sərəncamı ilə yüngülləşdirilib" və onunla birlikdə mühakimə olunan 19 müttəhimin həbs müddəti də dəyişdirilib.

Qeyd edək ki, həm də Belçika vətəndaşı olan Rusesabagina 2018 və 2019-cu illərdə Ruandada 9 nəfərin ölümünə səbəb olan hücumlarda günahlandırılan üsyançı qrup Milli Azadlıq Cəbhəsini (FLN) dəstəkləməkdə ittiham olunurdu.
O, hücumlarda hər hansı əli olduğunu inkar edib lakin Rusesabagina Ruanda Demokratik Dəyişiklik Hərəkatının (MRCD) qurucusudur.

O, 2020-ci ilin avqustunda Birləşmiş Millətlər Təşkilatının da "oğurluq" kimi təsvir etdiyi hadisədə, Burundiyə uçan təyyarə Ruandaya yönləndirildikdən sonra həbs edilib.

Xatırladaq ki, Rusesabagina 1996-cı ildə Ruandanı tərk edərək həyat yoldaşı və uşaqları ilə birlikdə Belçikaya köçüb.
Təxminən on il sonra o, Don Çidlin baş rolda oynadığı 2004-cü ildə çəkilmiş "Otel Ruanda" filminin nümayişi ilə bir gecədə məşhurlaşıb.

Film, 1994-cü ildə Ruanda soyqırımı zamanı onun ailəsi və yüzlərlə etnik tutsilərin otelə sığındığı zaman onun otel müdiri kimi bu insanları necə xilas etməsindən bəhs edir.

Rusesabagina təxminən 800000 Ruandalının ölümünə səbəb olan və Tutsilərin üstünlük təşkil etdiyi yeni hökumətlə sona çatan 100 günlük qırğın zamanı təxminən 1200-ə yaxın insanın həyatını xilas etməyə yardım edib.

Paylaş:
1647

Son xəbərlər

Azərbaycan Hərbi Dəniz Qüvvələri Xəzər dənizində taktiki təlim keçirib - FOTOBu gün, 11:24“Xəzər səması-2024”birgə taktiki təlimi keçirilib - VİDEOBu gün, 11:20Baş prokuror Ağdaşda vətəndaşları qəbul edəcəkBu gün, 11:06Fransanın növbəti diplomatları qovulub - “Observer Online” yazırBu gün, 10:58AccessBank Masallıda filialının açılması ilə regional şəbəkəsini genişləndirir - FOTOBu gün, 10:52Bakı-Ağstafa-Bakı marşrutu üzrə əlavə qatar reysləri təyin edilibBu gün, 10:33Qızıl ucuzlaşıbBu gün, 10:22Ağdərə-Ağdam avtomobil yolunun inşasına başlanılıb - FOTOBu gün, 10:15“ASAN xidmət” BMT ilə yeni layihəyə başlayır - FOTOBu gün, 10:09İçərişəhərdə “Fotolarda canlanan tarix” adlı fotosərginin bağlanış mərasimi keçirilibBu gün, 09:57Polis 6 kiloqramdan çox narkotik vasitə aşkar edibBu gün, 09:54Azərbaycan neftinin qiyməti 88 dollara düşübBu gün, 09:42Sumqayıtda ər-arvad qətlə yetirildi - Oğulları saxlanıldıBu gün, 09:29Beynəlxalq əmtəə, fond və valyuta bazarlarının göstəriciləriBu gün, 09:27AMB 19 aprelin valyuta məzənnələrini açıqladıBu gün, 09:25Zərdabda sənədsiz silahlar aşkar edilibBu gün, 09:16Övladını xilas etmək istəyərkən Kürdə boğulan atanın meyiti tapılıbBu gün, 09:09Bakının bir sıra yollarında tıxac yaranıbBu gün, 09:04Sevinc Fətəliyeva: Azərbaycan balanslaşdırılmış xarici siyasət həyata keçirir18 / 04 / 2024, 21:30Taleh Kazımov Vaşinqtonda COP29-un iqtisadi baxımdan əhəmiyyətindən danışdı18 / 04 / 2024, 20:32
Bütün xəbərlər