“Tiktoker” Əmrah Məhərrəmov hava limanında saxlanıldı

Azərbaycanda axtarışda olan "tiktoker" Əmrah Məhərrəmov saxlanılıb.

1news.az-ın Trend-ə istinadən məlumatına görə, Ə.Məhərrəmov Gürcüstandan Azərbaycana gələrkən hava limanında yaxalanıb. Onun barəsində olan sənədlər toplanaraq Nərimanov Rayon Məhkəməsinə göndərilib.

Ə.Məhərrəmov barədə Daxili İşlər Nazirliyinə şikayət edilib.

Şikayət əsasında o, hüquq mühafizə orqanlarına dəvət edilsə də, məsuliyyətdən yayınıb. Nəticədə onun barəsində cinayət işi başlanıb və o, axtarışa verilib.

Qeyd edək ki, Ə.Məhərrəmov ötən il sosial şəbəkələrdə istirahət mərkəzlərinin birində video çəkərək insanlara qarşı alçaldıcı ifadələr işlətdiyinə görə 20 sutkalıq həbs edilmişdi.