Sandor Lezsak: “Azərbaycan hər zaman Macarıstana güvənə bilər”

“Heydər Əliyev müharibə şəraitində olan Azərbaycanda dövlət başçısı seçildi, o, müasir Azərbaycanın qurucusudur”.

1news.az xəbər verir ki, bunu Macarıstan Milli Assambleyanın sədr müavini Sandor Lezsak Ulu Öndər Heydər Əliyevin anadan olmasının 100-cü ildönümünə həsr olunmuş xüsusi iclasda deyib.
O qeyd edib ki, məhz Heydər Əliyevin rəhbərliyi altında Azərbaycan sabitliyə nail oldu və inkişaf edən bir ölkəyə çevrildi.
“Heydər Əliyevin rəhbərliyi altında Azərbaycan misilsiz inkişaf mərhələsi keçib”.
“Bu gün Macarıstan və Azərbaycan bir-birinə etibar edir” – deyə, Lezsak əlavə edib:
“Azərbaycan və Macarıstan xalqları bir-birini qardaş xalq kimi qiymətləndirir. Azərbaycan hər zaman Macarıstana güvənə bilər. Biz hər zaman Azərbaycana dost olaraq qalacağıq. İqtisadi və enerji sahəsində əməkdaşlığımız yüksək səviyyədədir”.
Lezsak bildirib ki, Azərbaycanın bizim ölkənin, ümumilikdə Avropanın enerji təhlükəsizliyində rolu böyükdür və yaxın gələcəkdə daha da artacaqdır.
“Azərbaycanın bugünkü inkişafının əsası Heydər Əliyev tərəfindən qoyulub və Prezident İlham Əliyev tərəfindən uğurla davam etdirilir”