Xətai rayonunun İH-nin təşəbbüsü və təşkilatçılığı, McDonald’s və Blue Residence-in dəstəyi ilə şəhid uşaqları üçün tədbir keçirilib - FOTO
Mayın 31-də Uşaqların Beynəlxalq Müdafiəsi Günü ərəfəsində “McDonald's Azerbaijan” şirkəti “Blue Residence” yaşayış kompleksi ilə birgə Xətai rayon İcra Hakimiyyətinin təşəbbüsü ilə şəhid övladları üçün bayram şənliyi təşkil edib.
“Blue Residence” kompleksində yerləşən McDonald's restoranında keçirilən tədbirdə 80-dən çox şəhid övladı iştirak edib, onlar üçün süfrə açılıb və əyləncəli bayram proqramı təşkil olunub.
Şənlik uşaqlar üçün sevincli və yaddaqalan hadisəyə çevrilib.
Qeyd edək ki, “McDonald’s” şirkəti korporativ sosial məsuliyyətə hər zaman böyük əhəmiyyət verib.
Şirkətin 23 ildən çoxdur ki, Azərbaycanda həyata keçirdiyi xeyriyyəçilik fəaliyyəti çərçivəsində çoxsaylı müxtəlif səpkili layihələr həyata keçirilib, o cümlədən uşaq evlərinə, tibbi yardım fondlarına və idman tədbirlərinə yardım göstərilib.
Şirkət inanır ki, birlikdə həyati çətinliklərlə üzləşmiş uşaqlara kömək edə, onların dünyasını gözəlləşdirə və rəngarəng edə bilərik.
