Klassika yeniləndi! - “McDonald’s Azərbaycan” mediatur təşkil etdi - FOTO | 1news.az | Xəbərlər
Reportaj

Klassika yeniləndi! - “McDonald’s Azərbaycan” mediatur təşkil etdi - FOTO

Ayşən İsmayılova10:59 - 13 / 07 / 2023
Klassika yeniləndi! - “McDonald’s Azərbaycan” mediatur təşkil etdi - FOTO

Dünyanın məşhur “fast food” şəbəkələrindən biri olan “McDonald's” media nümayəndələrini burgerlərin reseptində və hazırlanma qaydalarındakı dəyişikliklərlə tanış etmək məqsədilə mediatur təşkil edib.

“Grand Hayat” yaşayış kompleksində yerləşən “McDonald's”da təşkil olunan mediaturda 1news.az-ın əməkdaşı da iştirak edib.

“McDonald’s Azərbaycan” şirkətinin Təchizat və Keyfiyyətə nəzarət üzrə direktoru Anar Osmanov və “Grand Hayat” yaşayış kompleksində yerləşən “McDonald's”ın direktoru İlkin Şabanov media nümayəndələrini steril geyimlərlə təmin etdikdən sonra onları burgerlərin yeni hazırlanma texnologiyası ilə tanış ediblər.

Media nümayəndələri ilk olaraq məhsulların saxlanma şəraiti ilə tanış edilib. Belə ki, ət məhsulları -18-20 dərəcə aralığında temperaturda saxlanılır. Qeyd edək ki, soyuducuların temperaturu rəqəmsallaşdırılıb və sensorlar vasitəsilə tənzimlənir. Buna görə də hər hansı bir soyuducunun fəaliyyətində problem yarandıqda bununla bağlı dərhal texniki və keyfiyyətə nəzarət şöbələrinə məlumat göndərilir və nöqsan aradan qaldırılır.

Mətbəxdəki proseslər isə gigiyenik qaydalara uyğun şəkildə aparılır. Burada işçilərin gigiyenasına xüsusi diqqət yetirilir. Belə ki, oraya quraşdırılan taymer saatbaşı xəbərdarlıq siqnalı verir və işçilərə əllərini yumalı olduğunu xatırladır. Həmçinin qabların yuyulması da xüsusi və keyfiyyətli təmizlik vasitələri ilə edilir.

Məhsulların bişirilməsində istifadə olunan yağlara gəlincə, “McDonald's”da istifadə olunan yağlar yüksək oleinli günəbaxan yağlarıdır. Bu bahalı sortdan hazırlanır və daha gec dağılır.

Yağda bişirilən hər məhsulun (toyuq, balıq kimi) ayrıca bişirilmə vannası var və fərqli məhsullar bir-birinə qarışmır. Bu da allergiyası olan insanlar üçün olduqca önəmlidir.

Təchizat və Keyfiyyətə nəzarət üzrə direktor Anar Osmanov qeyd edib ki, bütün “McDonald's” restoranlarında ən son nəsil fritozlardan istifadə edilir. Bu texnikanın avtomatik yağ süzmə sistemi digər vannalarda hazırlanma davam etdiyi zaman yağı ayrıca bölmədə süzməyə imkan verir. Bundan əlavə, cihazın avtomatik doldurma sistemi lazım olduqda yağı qabdan avtomatik çəkir ki, nəticədə onu vannaya əllə tökməyə ehtiyac qalmır.

Vannalarda yağın dəyişdirilməsi isə yağın turşuluq dərəcəsindən asılıdır. Yağın keyfiyyətinə nəzarət gündəlik qaydada əvvəlcə vizual olaraq həyata keçirilir. Rəngi uyğun deyilsə, dərhal dəyişilir. Bundan əlavə, gündə 2 dəfə lakmus kağızları ilə bütün vannalarda olan yağ yoxlanılır. Turşuluq dərəcəsi 1%-dən yüksək olan yağ dəyişilir. Bir neçə istifadədən sonra yağlar filtrdən keçirilir. Hər yağ öz vannasına qayıdır, digərinə qarışmır. Bütün bunlar “McDonald's” məhsullarının könül rahatlığı ilə istifadə edilməsinə imkan verir.

“McDonald's”ın etdiyi yeniliklərə gəlincə isə, dəyişiklik “Big Mac”, “Double Cheeseburger” və “Royal Cheeseburger” də daxil olmaqla, demək olar ki, bütün əfsanəvi burgerlərə şamil olunub.

Burada ət yeni, təkmilləşdirilmiş texnologiya ilə hazırlanır. Belə ki, əvvəllər soğan gec, yəni burger hazırlanan zaman əlavə edilirdi, hazırda isə ət bişəndən dərhal sonra əlavə edilir. Hazırlanma qaydasında edilən bu dəyişiklik ətin dadını daha ləziz edir.

Digər dəyişiklərdən biri də burgerlər üçün istifadə olunan bulkalarla bağlıdır. Belə ki, yeni bulkaların rəngi əvvəlkilərlə müqayisədə daha tünd, parlaq və yumşaqdır.

Qeyd edək ki, yenilənmiş burgerləri artıq “MakAvto” və “McDelivery” də daxil olmaqla Azərbaycanda fəaliyyət göstərən “McDonald’s” restoranlarında əldə etmək olar.

Şirkət nümayəndələri “McDonald's” restoranlarının mətbəxində özünü göstərməyə başlayan yeniliklərin klassik burgerlərsevərləri razı salacağına əmindir.

Turun yekunu olaraq “McDonald's” nümayəndələri bildirdilər ki, yaxın gələcəkdə mətbuat nümayəndələri üçün qida sənayesi tədarükçülərinin müxtəlif zavodlarına silsilə turların təşkili planlaşdırılır. Bu turların iştirakçıları “McDonald's”ın Azərbaycan restoranlarında istifadə edilən məhsulların istehsal prosesi ilə əyani tanış olmaq imkanı əldə edəcəklər.

Paylaş:
3151

Sizin üçün xəbərlər

Son xəbərlər

Əməkdar jurnalist vəfat etdi23 / 05 / 2024, 17:51Nasaz yük avtomobilinin yolda qalması bir neçə istiqamətdə avtomobil sıxlığının yaranmasına səbəb olub23 / 05 / 2024, 17:48Bakı Hərbi Kolleci, Gəncə Hərbi Kolleci və Naxçıvan Hərbi Kolleci yaradılıb23 / 05 / 2024, 17:38Bakı və Abşeronda yağış yağacaq, külək güclənəcək- Hava XƏBƏRDARLIĞI23 / 05 / 2024, 17:27Emoməli Rəhmonun Azərbaycana dövlət səfəri başa çatıb23 / 05 / 2024, 16:44COP29 vahid onlayn rezervasiya platformasını təqdim edir23 / 05 / 2024, 16:40NEQSOL Holding “Parla” təqaüd proqramı üzrə növbəti təlim keçirib23 / 05 / 2024, 16:28İlham Əliyev tacikistanlı həmkarı ilə müzakirə etdiyi məsələləri açıqlayıb23 / 05 / 2024, 16:23Emoməli Rəhmon: Azərbaycanla təhlükəsizlik sahəsində səmərəli əməkdaşlığın səviyyəsindən məmnunuq23 / 05 / 2024, 16:18İlham Əliyev Emoməli Rəhmonu COP29-a dəvət edib23 / 05 / 2024, 16:17Prezidentlər mətbuata bəyanatlarla çıxış ediblər - YENİLƏNİB23 / 05 / 2024, 16:12Anar Bağırov: “Gələcəkdə Türk dünyası Vəkillər kollegiyalarının təsis edilməsini arzulayırıq”23 / 05 / 2024, 16:09DOST İnklüziv İnkişaf və Yaradıcılıq Mərkəzində “Dünyanın qayğısına qal” adlı layihə həyata keçirilib23 / 05 / 2024, 16:01Müəllimlər riayət etməli olduqları qaydalar müəyyənləşib - Nazirlikdən QƏRAR23 / 05 / 2024, 15:59Ağdərə rayonunda 5 məktəb yaradılacaq23 / 05 / 2024, 15:55“PAŞA Holding”in təşkilatçılığı ilə növbəti “PASHA Hackathon” keçiriləcək23 / 05 / 2024, 15:49Bakıda 3 məktəb direktoru vəzifəsindən azad edilib23 / 05 / 2024, 15:18Azərbaycanla Rusiya arasında turizm əlaqələrinin genişləndirilməsi müzakirə olunub23 / 05 / 2024, 14:13Əhmədlə bağlı təhlükəsizlik tədbiri - Xüsusi xəstəxanaya köçürüldü23 / 05 / 2024, 14:09Şuşada beynəlxalq uşaq yaradıcılıq festivalı keçiriləcək23 / 05 / 2024, 14:02
Bütün xəbərlər