Xocalıda traktor minaya düşüb, araşdırma aparılır - FOTO - YENİLƏNİB
Xocalı rayonunun işğaldan azad edilmiş ərazisində traktorun minaya düşməsi faktı ilə bağlı araşdırma aparılır.
Baş Prokurorluğun Mətbuat xidmətindən 1news.az-ın sorğusuna cavab olaraq bildirilib ki, avqustun 24-ü Xocalı rayonunun işğaldan azad edilmiş Sığnaq kəndi ərazisində təsərrüfat işləri aparan zaman traktorun tank əleyhinə minaya düşməsi nəticəsində 1987-ci il təvəllüdlü Əfqan Ələkbərlinin xəsarət alması barədə rayon prokurorluğuna məlumat daxil olub.
Prokurorluq əməkdaşları tərəfindən hadisə yerinə baxış keçirilib digər zəruri istintaq hərəkətləri aparılıb.
Hazırda faktla bağlı Xocalı rayon prokurorluğunda araşdırma aparılır.
***
saat 12:22
Xocalıda traktor minaya düşüb.
Bu barədə 1news.az-a Daxili işlər Nazirliyindən bildirilib.
Qeyd edilib ki, bu gün saat 11:30 radələrində Xocalı rayonunun Mədətkənd kəndi ərazisində təsərrüfat işləri aparılan zaman 1 ədəd traktorun tank əleyhinə minaya düşməsi ilə bağlı polisə məlumat daxil olub.
Qeyd edilib ki, partlayış nəticəsində xəsarət alan yoxdur.
Faktla bağlı araşdırma aparılır.
