Bu il bütün məktəblərdə “Azərbaycan tarixi” Azərbaycan dilində tədris olunacaq - Nazir

Tədris dilindən asılı olmayaraq, Azərbaycandakı bütün məktəblər Azərbaycan məktəbləridir.

1news.az APA-ya istinadən xəbər verir ki, bunu Ümummilli Lider Heydər Əliyevin 100 illiyi çərçivəsində keçirilən Azərbaycan dili və ədəbiyyatı forumunda elm və təhsil naziri Emin Əmrullayev deyib.

"Tədrisi digər dillərdə aparılan məktəblərdə Azərbaycan tarixinin sırf Azərbaycan dilində aparılması bu il bütün məktəblərə tətbiq olunacaq. Bu, eyni zamanda, Zəfər tarixi və Hərbi hazırlıq fənlərinə də aiddir", - nazir vurğulayıb.