İçərişəhərdə ağsaqqallar arasında nərd yarışmasına start verildi - FOTO - VİDEO

Sentyabrın 12-dən 17-dək İçərişəhərdə ağsaqqallar arasında “Oyunçu aparsın” adlı nərd yarışması təşkil ediləcək. Yarış ağsaqqalların asudə vaxtlarının maraqlı və səmərəli təşkili məqsədi ilə keçirilir.

1news.az xəbər verir ki, tarixi, əyləncə və sağlam mübarizəni özündə birləşdirən bu maraqlı yarışda “İçərişəhər” Ağsaqqallar Şurasının üzvləri, İçərişəhərin, Bakının və Bakı kəndlərinin ağsaqqalları iştirak edəcəklər.

Turnir “İçərişəhər” Ağsaqqallar Şurası, "Üçüncü Bahar" İctimai Birliyi və Azərbaycan Milli İdman Növləri Assosiasiyasının birgə təşəbbüsü, "İçərişəhər" Dövlət Tarixi-Memarlıq Qoruq İdarəsi, Gənclər və İdman Nazirliyinin təşkilatı dəstəyi ilə keçirilir.

Oyunların gedişatını bizim sosial media kanallarımızdan izləyə bilərsiniz.