Sürətli gələn “Toyota” YPX avtomobillərinə çırpıldı, polis son anda xilas oldu - FOTO
Ötən gün Xəzər rayonu ərazisində yol polisi avtomobillərinin iştirakı ilə yol qəzası baş verib.
1news.az xəbər xəbər verir ki, Mərdəkan-Zuğulba yolunda “Toyota” markalı avtomobil yol kənarında dayanmış Bakı Şəhər Dövlət Yol Polisi İdarəsinə məxsus “BMW” markalı xidməti avtomobilə çırpılıb. O da öz növbəsində qarşısında dayanmış digər DYP maşınını vurub.
Hadisənin videosundan görünür ki, DYP maşınının arxasında dayanmış polis əməkdaşı özünü zərbədən son anda qaçıra bilir.
Bakı Şəhər Baş Polis İdarəsinin Dövlət Yol Polisi İdarəsinin (DYP) baş instpektoru Araz Əsgərli 1news.az-a bildirib ki, qəza ötən gün axşam saatlarında Buzovna yolu istiqamətində qeydə alınıb.
“Arxadan gələn “Toyota Corolla” markalı avtomobil, DYP-nin xidmət avtomobilinə çırpılıb. Ölüm və xəsarət yoxdur. Maddi ziyan var. Araşdırma aparılır”.
