Özbəkistanda TÜRKSOY-un tədbirində Qənirə Paşayeva anıldı: “Türk dünyası üçün böyük itkidir”
Türksoyun baş katibi Sultan Raev Özbəkistanın paytaxtı Daşkənddə keçirilən XV Daşkənd Beynəlxalq Film Festivalı çərçivəsində keçirilən Türk Xalqlarının kinematoqrafiya forumu:Beynəlxalq əlaqələr, ənənələr və innovasiyasiyalar” tədbirində Azərbaycan Milli Məclisinin Mədəniyyət komitəsinin sədri Qənirə Paşayevanın vəfatı ilə bağlı danışıb.
1news.az-ın Özbəkistana ezam olunmuş müxbiri xəbər verir ki, o qeyd edib ki, Qənirə Paşayevanın vəfatı türk dünyası üçün böyük itkidir.
"Qənirə Paşayeva türk dünyasının böyük dostu, önəmli ziyalılarından idi. Türk dünyasının inkişafında onun ideologiyası önəmli rol oynayırdı. Eyni zamanda Qənirə Paşayeva türk dünyasının önəmli yazarlarının, şairlərinin əsərlərini bütün türk dillərinə tərcümə etdirirdi. Onun Türk dünyası üçün xidmətlərini saymaqla bitməz O, hər zaman böyük hörmətlə anılacaq. Qənirə xanımın vəfatı ilə bağlı bütün türk dünyasına, Azərbaycana və onun ailə üzvlərinə başsağlığı veririk”
Tədbirdə Qənirə Paşayevanın vəfatı ilə bağlı 1 dəqiqəlik sükut elan olunub.
Qeyd edək ki, Qənirə Paşayeva 28 sentyabrda vəfat edib.
