Sayit Yusuf: “Ortaq türk dilinin formalaşdırılması üçün film sahəsi önəmlidir”

1993-cü ildən bəri türk dünyasının birləşməsini, bütünləşməsindən, mədəniyyət sahəsində yaxınlaşmasından danışacaqsaq, bir-birini anlayacaq türk xalqlarının olmasını arzu ediriksə, bu istiqamətdə ən önəmli sahələrdən biri də kino sahəsində əməkdaşlıq etməkdir.

1news.az xəbər verir ki, bunu TÜRKSOY-un baş katibinin köməkçisi Sayit Yusuf III “Korkut Ata” Türk Dünyası Film Festivalındakı çıxışı zamanı deyib.

“Filmlər ortaq türk dilinin formalaşması üçün önəmlidir. 90-cı illərin əvvəlində Türkiyə və Azərbaycan xalqları bir birini başa düşürdü, ancaq digər türk dövlərinin xalqları ilə anlaşmaq çətin idi. 90-cı illərlə bu günü müqayisə edərsək, bu gün türk dünyası olaraq bir-birimizi müəyyən qədər baş düşürük. Ancaq bu kifayət deyil, biz öz aramızda ortaq dil məsələsini inkişaf etdirməliyik. Bu da seriallar, kino vasitəsilə ola bilər. Seriallar, kinolar vasitəsilə insanlar dil öyrənə bilir. Türk millətinə, Türk dövlətlərinə bütün dünyada ehtiyac var” .

“Ona görə də Azərbaycan Mədəniyyət Nazirliyinə təşəkkür edirik ki, belə bir önəmli festivalın Azərbaycanda keçirilməsinə razılıq verdi” - deyə, o bildirib.