Ödənişli yolda yüksək sürətlə avtomobil idarə edib paylaşanların NƏZƏRİNƏ! - DYP araşdırma aparacaq - VİDEO
Son günlər sosial şəbəkələrdə yeni istifadəyə verilmiş Bakı-Quba-Rusiya avtomobil yolunda (ödənişli yol) bəzi sürücülərin avtomobili yüksək sürətlə idarə edib paylaşım etdiklərini müşahidə edirik.
Yeni istifadəyə verilən yolda sürət ölçən xüsusi texniki vasitələrin olmamasından sui-istifadə edən sürücülər yüksək sürətlə hərəkət edərək həm özləri, həm də digər hərəkət iştirakçıları üçün təhlükə yaradır.
Bəs görəsən bu təhlükəli addımları ilə gündəmə gələn bu sürücülərlə bağlı hansısa tədbirlər görüləcəkmi?
Baş Dövlət Yol Polisi İdarəsindən 1news.az-ın sorğusuna cavab olaraq bildirilib ki, sosial şəbəkə seqmentlərində yayımlanmış videogörüntülərlə bağlı məlumatlıdırlar.
“Həmin məsələ ilə bağlı araşdırma aparılacaq” - BDYPİ-dən bildirilib .
