Duzdağda yeni layihə həyata keçiriləcək - Samiq Sadıxov açıqladı
“Duzdağ Fizioterapiya Mərkəzində kinoteatr, konfrans zalı, uşaqlar üçün əyləncə yeri, restoran, meditasiya ərazisi, SPA salonu, gözəllik mərkəzi, mağaza və duz muzeyi yaradılması planlaşdırılır”.
1news.az -ın Naxçıvana ezam olunan əməkdaşı xəbər verir ki, bunu Naxçıvan Muxtar Respublikasın Səhiyyə naziri vəzifəsini müvəqqəti icra edən Samiq Sadixov deyib
S.Sadıxov bildirib ki, mərkəzdə eyni zamanda duzun üstündə ayaqla yerimək üçün cığırların yaradılması ilə bağlı layihələndirmə işlərinə də başlanılıb: "Növbəti ilin əvvəlində layihənin həyata keçirilməsi ilə bağlı işlərə başlanacaq.
S.Sadıxov deyib ki, Duzdağ Fizioterapiya Mərkəzinin dünya arenasında tanıdılması ilə bağlı iki beynəlxalq quruma sertifikat almaq üçün müraciət olunub.
Birindən sertifikat alınıb, digərinin alınması üçün isə bir ilə ehtiyac var. İl ərzində yoxlamalar həyata keçiriləndən sonra isə o sertifikatı da almaq mümkün olacaq” .
