Strasburqda Şuşa haqqında kitab işıq üzü görüb - FOTO | 1news.az | Xəbərlər
Cəmiyyət

Strasburqda Şuşa haqqında kitab işıq üzü görüb - FOTO

15:20 - 25 / 11 / 2023
Strasburqda Şuşa haqqında kitab işıq üzü görüb - FOTO

Azərbaycan Respublikasının Prezidenti yanında Dövlət İdarəçilik Akademiyasının beynəlxalq münasibətlər üzrə professoru, siyasi elmlər doktoru Elçin Əhmədov və İtaliyanın Sapienza Universitetinin professoru Daniel Pommierin həmmüəllifi olduqları “Şuşa - Azərbaycanın mədəniyyət paytaxtı” adlı kitab Fransada fəaliyyət göstərən “Kəpəz” nəşriyyat evi tərəfindən fransız dilinə tərcümə edilərək nəşr olunub.

1news.az AZƏRTAC-a istinadən xəbər verir ki, Azərbaycan mədəniyyətinin incisi olan Şuşanın zəngin maddi-mədəni, tarixi, memarlıq irsindən bəhs edən bu kitabın Strasburqda keçirilən təqdimatında Azərbaycanın Avropa Şurası yanında daimi nümayəndəsi Fəxrəddin İsmayılov müəlliflərə və Strasburqda fəaliyyət göstərən “Kəpəz” nəşriyyat evinin kollektivinə təşəkkürünü bildirərək, bu nəşrin fransız oxuculara Şuşa şəhərinin Azərbaycan xalqı üçün daşıdığı misilsiz dəyərin çatdırılmasına önəmli bir töhfə verəcəyinə inamını ifadə edib. İşğal dövründə Şuşanın məruz qaldığı dağıntıları xatırladan F.İsmayılov 2020-ci ildə Prezident, Müzəffər Ali Baş Komandan İlham Əliyevin rəhbərliyi ilə qəhrəman Azərbaycan Ordusunun şəhəri azad etdikdən sonra həyata keçirilən bərpa və yenidənqurma işlərindən danışıb. O, fransız dilində işıq üzü görən kitabın oxucuları Azərbaycanın bu füsunkar diyarına səfərlər həyata keçirməyə təşviq edəcəyinə ümidvarlığını bildirib.

Azərbaycan ədəbiyyatının fransız oxuculara təqdim olunması sahəsində ixtisaslaşan “Kəpəz” nəşriyyat evinin prezidenti Valentin Da Fonseka Şuşa barədə kitabın çapı ilə əlaqədar rəhbərlik etdiyi kollektivin sevincini dilə gətirib və bu əsərin oxucular üçün Şuşaya, ümumiyyətlə, Azərbaycanın zəngin mədəniyyətinə açılan pəncərə rolu oynadığını söyləyib. O, yenicə çapdan çıxmış kitabın artıq Fransanın əksər kitabxanalarında, eləcə də internet vasitəsilə sifariş edilə biləcəyini vurğulayıb.

Daha sonra “Kəpəz” nəşrlərinin yaxından izləyicisi olan hüquq elmləri doktoru, vəkil Tieri Edmond kitabın mahiyyəti barədə hazırladığı xülasəni tədbir iştirakçıları ilə bölüşüb. Kitabın gözoxşayan tərtibatı və əks etdirdiyi materialların əhatəliliyini vurğulayan T.Edmond əslən Şuşadan olan Azərbaycanın çoxsaylı görkəmli şəxsiyyətləri barədə məlumatlardan və fotoşəkillərdən ibarət fəsilləri ayrıca qeyd edib. O, Şuşanı Azərbaycan tarixinin və mədəniyyətinin bir rəmzi kimi təcəssüm etdirən bu kitabın beynəlxalq aləmdə fransızdilli oxucular tərəfindən maraqla qarşılanacağına inandığını bildirib.

Paylaş:
287

Son xəbərlər

Mikayıl Cabbarov COP26-nın prezidenti ilə görüş keçirib - FOTO22 / 02 / 2024, 19:05“Azərpoçt” artıq ABŞ-dən də onlayn çatdırılma edir22 / 02 / 2024, 18:00Məhkəmə Əhməd Əhmədovla bağlı qərar verib - YENİLƏNİB22 / 02 / 2024, 17:45Şirkətin satış müdirinə 147 min manatlıq mənimsəmə ilə bağlı cinayət işi başlanıb22 / 02 / 2024, 17:40Ceyhun Bayramov Avropa İttifaqının Cənubi Qafqaz üzrə xüsusi nümayəndəsi ilə görüşüb - FOTO22 / 02 / 2024, 17:27“MTV”nin yayımı 8 saatlıq dayandırılacaq22 / 02 / 2024, 17:22Malayziya Baş naziri İlham Əliyevə təbrik ünvanlayıb22 / 02 / 2024, 17:15Ağdam sakini Nərgiz Nəcəfovanın 4 il əvvəl itkin düşməsinə dair təfərrüatlar araşdırılır - YENİLƏNİB 122 / 02 / 2024, 17:04Nazir Qazaxıstan səfiri ilə COP29-a hazırlığı müzakirə edib22 / 02 / 2024, 16:56Süleyman Ələsgərovun 100 illik yubileyi qeyd olunacaq - SƏRƏNCAM22 / 02 / 2024, 16:39Avtomobil yollarının tikintisi və istismarı sahəsində fərqlənən bir qrup şəxs təltif edilib - SİYAHI22 / 02 / 2024, 16:37Samir Rzayev “Azərbaycan Hava Yolları” Qapalı Səhmdar Cəmiyyətinin prezidenti təyin edilib22 / 02 / 2024, 16:36Keniyanın Baş prokuroru Ağdam şəhərinə səfər edib - FOTO22 / 02 / 2024, 16:31Qarabağ Dirçəliş Fondu “Dirçəliş Kuboku” xeyriyyə minifutbol turnirinə start verir22 / 02 / 2024, 16:15Azərbaycan rəsmisi COP26-nın prezidenti ilə enerji transformasiyası üzrə əməkdaşlığı müzakirə edib22 / 02 / 2024, 16:08Qarabağ Universitetinin fəaliyyət istiqamətləri və hədəfləri müzakirə edilib - FOTO22 / 02 / 2024, 15:49“Tədbir iştirakçılarını maraqlı məzmunla yanaşı əla ünsiyyət və şəbəkələşmə gözləyir”22 / 02 / 2024, 15:35Prezident və birinci xanım Mövlud Süleymanlının dəfn mərasiminə əklil göndərib22 / 02 / 2024, 15:23Mövlud Süleymanlı Şamaxıda dəfn olunub - FOTO - YENİLƏNİB22 / 02 / 2024, 15:11Qəbələdə 39 yaşlı kişinin meyiti tapılıb - YENİLƏNİB22 / 02 / 2024, 15:03
Bütün xəbərlər