Ülkər Səttarova: “Elmin maliyyələşməsi üçün yeni mexanizm üzərində işləniləcək”
“Elmi fəaliyyətdə olan, məqalələrini dünyanın nüfuzlu jurnallarında çap etdirən alimlər üçün motivasiyalandırıcı tədbirlərin də həyata keçirilməsi nəzərdə tutulur” .
1news.az xəbər verir ki, bunu Elm və Təhsil Nazirliyi yanında Elm və Ali Təhsil üzrə Dövlət Agentliyinin direktoru Ülkər Səttarova deyib.
“Ölkəmizdə bəzi universitetlər fərdi təşəbbüsü ilə yaxşı məqalələri çap etdirən müəllimlərinə mükafatlar verir. Lakin bu, ali təhsil müəssisələri arasında sistemli deyil.
Elm sahəsində çalışan şəxslərin rəqabətli əməkhaqqı alması çox aktual məsələdir. Nəzərə alsaq ki, bir elmi məqaləni çap etdirmək üçün uzun prosesdir, ona görə də elmlə məşğul olan şəxslərun mükafatlandırılması və elmin maliyyələşmə mexanizminin hazırlanıb təqdim edilməsi nəzərdə tutulur".
