Vəkilliyə namizədlərlə icbari təlimə başlanılıb - FOTO | 1news.az | Xəbərlər
Cəmiyyət

Vəkilliyə namizədlərlə icbari təlimə başlanılıb - FOTO

Qafar Ağayev15:06 - 29 / 11 / 2023
Vəkilliyə namizədlərlə icbari təlimə başlanılıb - FOTO

Noyabrın ayının 29-da yazılı və şifahi imtahanlarda müvəffəqiyyət qazanmış 53 vəkilliyə namizədlə Ədliyyə Akademiyasında davam edəcək icbari təlimə başlanılıb.

Bu barədə 1news.az-a Vəkillər Kollegiyasından məlumat verilib.

Bildirilib ki, icbari təlimin ilk günündə keçirilən tədbirdə Azərbaycan Respublikasının Vəkillər Kollegiyası (ARVK) Rəyasət Heyətinin sədri Anar Bağırov açılış nitqi ilə çıxış edərək, vəkilliyə namizədlərə uğurlar arzulayıb, təlim zamanı vəkillərin lazımi biliyə və peşə hazırlığına yiyələnmələrinə, habelə beynəlxalq təcrübəni öyrənmələrinə xüsusi diqqət yetiriləcəyini bildirib.

İnsan haqlarının qorunması, vəkil etikası və digər aktual məsələlərə dair mövzuların nüfuzlu ekspertlərin iştirakı ilə tədris ediləcəyini deyən sədr icbari təlimdə 53 vəkilliyə namizəddən 27 nəfər qadının, 26 nəfər isə kişinin iştirak etdiyini və habelə onlardan 86 faizinin 40 yaşadək olduğunu söyləyib.

O, təlimdə ilk dəfə qadınların üstünlük təşkil etdiyini, onların bu peşəyə maraqlarının getdikcə artdığını, o cümlədən Azərbaycanda qadınların hüquqlarının yüksək səviyyədə qorunduğunu, dövlət tərəfindən diqqət və qayğı ilə əhatə olunduqlarını vurğulayıb.

Həmçinin Anar Bağırov vəkillərin ilkin icbari və davamlı tədrisinin əhəmiyyəti barədə fikirlərini səsləndirib, son dövrlər Azərbaycan vəkilliyində aparılan islahatlar, vəkillərin sayının artırılması istiqamətində görülən işlər, onların yenilənməsi, cavanlanması, müasirləşməsi, təkmilləşməsi barədə məlumat verib. Sədr son illər tədris prosesində dəyişdikliklərin edildiyini, bu istiqamətdə müəyyən islahatların aparıldığını, bütün işlərin Ədliyyə Akademiyası ilə birgə həyata keçirildiyini, əvvəlki illərdən fərqli olaraq, daha təkmil, səmərəli və effektli proqramın mövcud olduğunu qeyd edib.

Vəkillər Kollegiyası ilə Ədliyyə Akademiyasının birgə əməkdaşlığını yüksək qiymətləndirdiyini ifadə edən Anar Bağırov burada yaradılmış şəraitə görə Ədliyyə Nazirliyinin rəhbərliyinə təşəkkür edib.

Eyni zamanda sədr diqqətə çatdırıb ki, Kollegiyada 300-ə yaxın vəkil köməkçisi fəaliyyət göstərir və gələcəkdə onların da test üsulu ilə qəbul edilməsi nəzərdə tutulur. Məqsəd həmin şəxslərin savadının keyfiyyətli və yüksək səviyyədə olmasına maraq göstərməkdir.

Tədbirdə Anar Bağırov Kollegiyanın son 6 ildə gördüyü işlər, apardığı ardıcıl və sistemli islahatlardan, bir çox beynəlxalq təşkilatlara üzv olmağından, o cümlədən yerli dövlət qurumları ilə işgüzar əməkdaşlıqlardan danışaraq, vəkillikdən irəli gələn təşəbbüsün dövlət tərəfindən tam dəstəkləndiyini nəzərə çatdırıb.

Sədr vəkillik institutunun inkişafı ilə bağlı həyata keçirilən tədbirlər və gələcək planlar, Azərbaycan Respublikası Prezidentinin 22 fevral 2018-ci il tarixli “Azərbaycan Respublikasında vəkilliyin inkişafı ilə bağlı əlavə tədbirlər haqqında” Sərəncamının bu baxımdan xüsusi əhəmiyyət kəsb etməsi, bu çərçivədə ölkədə fəaliyyət göstərən vəkillərin sayının savadlı və peşəkar hüquqşünaslar hesabına artırılmasının önəmi barədə söz açıb. O, bu Sərəncamın ilk dəfə olaraq vəkillik sahəsində aparılacaq islahatların konturlarını, istiqamətlərini müəyyən etdiyini, müasir Azərbaycan vəkilliyinin inkişafının faktorlarından biri olduğunu dilə gətirib.

Azərbaycan Respublikasının Mülki Prosessual Məcəlləsinə edilmiş dəyişiklikləri yüksək qiymətləndirən Anar Bağırov vəkillərin dövlət hesabına hüquqi yardımların könüllü həyat keçirdiyini diqqətə çatdırıb.

Sonra Ədliyyə Akademiyasının Vəkillərin və mediatorların tədrisi Fakültəsinin dekan müavini Günel Sadıqova çıxış edərək söyləyib ki, təlimlərin əsas məqsədi vəkillərin praktiki və nəzəri biliklərə yiyələnməsidir.

Daha sonra ARVK-nın sədri Anar Bağırovun "Müasir məhkəmə-hüquq islahatları çərçivəsində vəkillik" mövzusunda mühazirəsi dinlənilib.

Paylaş:
186

Son xəbərlər

Azərbaycanın iki gimnastı Bakıdakı yarışda finala yüksəlibBu gün, 17:11Azərbaycan Prezidenti Küveyt Əmirinə məktub ünvanlayıbBu gün, 16:46Azərbaycan XİN Estoniyanı təbrik edibBu gün, 16:34Kəlbəcər istiqamətində mövqelərimiz yenidən atəşə tutulubBu gün, 16:12Xocalı itkinləri mövzusunda çəkilmiş “13” adlı bədii-sənədli filmin təqdimatı olubBu gün, 16:09Dohada Azərbaycan Mədəniyyəti Günləri çərçivəsində qala-konsert olubBu gün, 15:57Ramazan bayramı ilə əlaqədar iş və istirahət günlərinin yerləri dəyişdirilibBu gün, 14:48Ombudsman Xocalı soyqırımının törədildiyi ərazidən dünyaya səsləndi - VİDEOBu gün, 14:35Hadruta 30 il əvvəl götürdüyü gəlinciklə qayıtdı...Bu gün, 14:30Akif Əli Zadə “Azərbaycan Respublikası Prezidentinin fəxri diplomu” ilə təltif edilibBu gün, 14:03Xüsusi təyinatlılar şərti düşmənin yerləşdiyi yüksəkliyə basqın tapşırığını yerinə yetiriblər - VİDEOBu gün, 13:48Türkiyə-Azərbaycan Universiteti ilə bağlı yeni detallar açıqlanıbBu gün, 13:26Hərbi vəzifəlilər atəşin aparılması üzrə tapşırıqları icra ediblər - FOTOBu gün, 12:52Laçın hava limanından yeni görüntülər - VİDEOBu gün, 12:43MN-dəki 143 milyon manatlıq mənimsəmə ilə bağlı məhkəmə: “70 faizini vermişəm, 30 faizi mənə qalıb”Bu gün, 12:30Bazar günü hava necə olacaq? - ProqnozBu gün, 12:19“Qəbələ”nin baş məşqçisi istefa veribBu gün, 12:10İranlı narkotacirlərin ölkəmizdəki növbəti narkokuryeri saxlanılıbBu gün, 11:55Azad olunan ərazilərdə indiyədək aşkarlanan kütləvi məzarlıqların sayı açıqlandıBu gün, 11:4214 dərəcəyədək şaxta olub - FAKTİKİ HAVABu gün, 11:22
Bütün xəbərlər